續 part-1
鳯凰徑第一段唔係山路,而係沿嶼南道旁邊嘅行人路(吸住死氣)一直行上山
行行下,又再遇到呢位山車友,估唔到會遇到同一位車友幾次。結果同佢打咗個招呼,佢笑笑口點點頭就繼續努力上斜
行咗幾個字,終於嚟到第二段入口,開始有山路行了
出發~
由涼亭旁邊行上去
大東山,仲有4公里。不過未計垂直距離喎
前面靠右
再行多一陣經過一個好似係直升機坪嘅地方,繼續向前行
依,又見到呢個標記。勁人玩嘅賽事
繼續上
行行下忽然好好天,難得有藍天白雲梗係要影下相先啦
由藍山上大東比起由黃龍坑郊遊徑上輕鬆得多,已經到咗双東坳(L011)。
双東坳可以行去蓮花山,呢座大嶼山第三高山有機會一定會行去睇睇。
繼續向大東山進發,呢段路又濕又滑
終於嚟到呢個例牌塞人位置,黃龍坑郊遊徑交滙點。可以由呢到走佬返東涌
時間似乎唔多夠,今日要skip二東山直接上大東
不過趕時間都係要開飯,本來想話喺18號屋座一陣開餐,點知鬼咁多人
最後搵到個"企位"開餐,順便休息一陣
吔完嘢繼續上大東,今日山頂如常地企滿人
仲用神棍自拍?乜你咁out架,家陣興用航拍
離開山頂,鏡頭一轉已經落到嚟伯公坳涼亭
過嚟對面馬路繼續行程(吓?乜唔係座巴士走咩?)
4.5公里去昂坪,出發行鳯徑第3段
繼續上。。。
距離鳯頂仲有好遠嘅路
回望一下後面,大東山已經消失喺雲霧之中
到鳯頂了,要座低抖抖先
休息咗一陣又再起行,向昂坪進發
全日最辛苦嘅一段就係由鳯頂落昂坪呢段路,加上塞人要就更慘。落完N咁多級石級,終於到咗昂坪
直去沿奇趣徑出市集
經過大彿影下人影大彿
又係時候要補給,淨低嘅路一枝 750ml 應該夠了
喺巴士站旁邊嘅昂坪路沿行人路落山,繼續鳯徑4段
途經過呢個涼亭梗係要出去望下
涼亭呢到可以望到石壁水塘
睇完風景繼續沿路落山,嚟到深屈道口呢個髮夾彎要停一停諗一諗
睇下錶時間唔上唔落,兩粒鐘一定夠時間經羗山龍仔落大澳,亦一定夠落深屈再行出東涌。但係兩個加埋就一定唔可以喺天黑之前離開山區,左諗右諗最後決定落深屈輕輕鬆鬆返東涌
沿住又長又斜嘅深屈路落山,可以見到港珠澳大橋。今日個天唔清,用少少想像力先
到深屈了,繼續沿車路行
嚟到深屈碼頭,可以望清楚啲條橋了
沙螺灣村村口
照路牌指示轉右出東涌。直去係沙螺灣碼頭
經過觀景台見個日落幾靚,拿臨掃一張全景先
時間啱啱好,行到返來天黑了。今日打圏完成
回 part-1
發表迴響