路線：東涌市中心>逸東>昂坪棧道>彌勒山轉向站>彌勒山郊遊徑>昂坪
全長：9.8 km
時間：2小時51分
新年放假日日喺屋企唔係食就訓，假期最後一日點都要做少少運動，去行昂坪行下
Total climbing: 794 m
Total time: 02:51:38
路線全圖
最衰自己漏氣，去到東涌已經兩點
出發
時候唔早，開餐最好。點知拎個飽出嚟發現壓到扁晒 (T.T)
沿順東路直行去到警處轉右，之後再沿裕東路直行
上行人天橋，直行到尾
行人天橋落嚟之後繼續直行，冇耐就會經過逸東邨。呢個時候可以望到山上面嘅吊車架同埋彌勒山發射站上面啲天線
繼續沿路直行，去到呢個路口轉落去
然後再轉右直行
沿住村路向候王廟方向行
再望下山上面嘅３號吊架，好似好高咁
行到呢個路口轉右。照估計如果轉左去石門甲方向應該可以連接池塘仔郊遊徑上伯公坳同或者去昂坪
再行冇耐去到一個公園仔然後轉左，直行出去就係候王廟
轉左後繼續直行
經過康樂營，直行過橋
呢樹繼續沿路行，如果時間多就建議轉右出去濕地打個轉
走落濕地睇睇，路口見到大量蠔殼，原來啲人除左蜆之外又多咗一樣野攞。有啲擔心呢到遲早乜都冇晒
天氣回暖彈塗魚又出動了，不過礁潮蟹就一隻都見唔到。如果有枝長鏡走嚟呢到影下濕地生態都唔錯
水漲，冇得再行出去了
濕地有好多紅樹，今日仲比我見到粒咁特別嘅種子
去完濕地繼續沿路行，過埋前面間屋仔就係棧道入口
由地鐵站行過嚟棧道入口大約２公里多啲，熱身都可以慳番唔洗做。開始上山
行到上嚟觀景台，要抖抖先
呢到風景唔錯，如果夏天嚟加埋藍天白雲仲正
終於上到嚟呢個３號吊架
喺吊架底影張波波相先
吊架旁邊有條樓梯可以行上去直升機坪，上面係一個望到成個機場島嘅好位置
起個壇影下波波相
掛住影相玩晒啲時間，要拿林走人
先前行嘅石級應該係昂坪纜車救援徑，呢到開始嘅木板路先至算係棧道
呢個 deep-v 樓梯又係一個好好嘅影相位
上面就係彌勒山轉向站，之後嘅路冇乜大上大落
由轉向站旁邊直行，遠處可以見到大彿，繼續沿路行就可以去到昂坪。轉左沿水渠行可以接去彌勒山郊遊徑，有小路可以上彌勒山
彌勒山郊遊徑係圍住彌勒山山腰嘅一個大圈，所以無論轉左同轉右都可以去到目的地。而中間唔太明顯嘅小路就可以上去山頂發射站，今日目標去昂坪，所以轉右就啱
做乜好地地有靚路唔行要走落郊遊徑？因為轉向站之後係一條整段路入面做得最衰嘅石級，而喺旁邊嘅彌勒山郊遊徑就可以繞過呢段石級，識行一定係咁行 =p
行下行下見到港珠澳橋
其實由離開轉站落山有耐嘅一個轉灣位開始，行嘅已經係彌勒山郊遊徑。原本跟住纜車線下面嘅救援徑因為塌山泥之後就封咗，應該再冇機會可以試行了。沿路行去到呢個樓梯口就轉左上去，繼續彌勒山郊遊徑，如果直行就好快可以去到昂坪
上呀，又係上
郊遊徑呢到有個觀景台，風景都 ok
鳯凰頂唔見咗，同時開始 feel 到有少少雨粉
繼續沿路行
前面轉右。如果喺早前經過嘅轉向站行左邊條路，行鬼咁大個圏之後一樣會行到嚟呢個路口
行完了，前面就係奇趣徑
見啲雨好似越落越大，開個雷達圖嚟睇睇，原來鬼咁大舊雨雲飄梗埋嚟。睇嚟都要提早走人了，原先諗住來回東涌嘅行程只係完成咗一半
企喺路口諗咗一陣，本來想去下心經簡林(心)然後入市集，跟住又有少少想經池塘仔(東)行返東涌，不過企多一陣啲雨已經越來越大，都係行最短嘅路線(市)出去市集穏陣。
前面轉右
跟住再轉右
出到嚟招牌位，又影一張
嘩死囉，一落雨個個都走人。龍尾差唔多排到去纜車站
條龍水蛇春咁長，估唔到只係排咗幾個字就到龍頭。人多時巴士仲多，勁呀
發表迴響