續 part-1
嚟到夏威夷徑尾,繼續直行可以去將軍澳村,右邊可以行返轉頭去之前經過 W028 條路。家陣就轉左邊去魷魚灣
照指示牌方向,繼續直去
計劃路線時睇過郊區地圖,以為呢段會係石屎路。今日行先至發現原來地圖上好似車路嘅物體,同一般山徑冇乜分別
沿路都有呢啲標柱,唔知係做乜嘅呢? 多得 google 神,原來係講話下面有水管
行行下要上樓梯
呢段路冇標距柱,見到前面呢個報警電話就即時知道自己行到去邊(郊區地圖上有個電話標記)
路都算幾好行,感覺舒服
繼續沿路直去
依,之前埋喺地下嘅水管出現了
左邊有一個類似避雨亭嘅物體,見佢生滿雜草冇上去八掛
行到呢到停一停,唔係跳落去,有樓梯嘅
落咗嚟呢到又幾特別喎
又掃張全景先
水管旁邊有個好靚嘅小水池
估唔到呢到都有啲咁嘅岩石
又要上了
再行冇耐經過一個晨運客天地,有個簡陋嘅避雨亭同好多櫈仔
避雨亭旁邊有條好長嘅樓梯,要由呢到上去清水灣道。可惜當時我誤判以為自己未到要轉灣嘅路口,戇居居繼續向前行
喺唔知自己已經行錯路嘅情況之下,繼續邊行邊影相
可能係因為條路太跣,呢段路鋪晒地毯防滑
呢段路跣到PK
行到嚟呢到終於發覺唔對路,check 下地圖確定自己行錯路落梗去魷魚灣村,唯有拿拿返轉頭 Orz
鏡頭一轉已經返咗去先前避雨亭旁邊條樓梯,上到一半會遇到分岔路,呢個時候就靠右繼續上。再行一陣好快會見到幾個山墳,繼續沿樓梯上就得
見到整得咁靚嘅樓梯就知應該離開出口唔遠了
查實諗住要去釣魚翁根本冇必要咁樣行,不過我自己好想去科大影張相,所以喺前面樓梯口落去
落去就係清水灣道,去完科大再返轉頭跟指示牌方向行將軍澳徑
落到嚟清水灣道,唔想再行嘅話可以座車走人
原來呢到先至係魷魚灣
一場嚟到,梗係要影呢下座啱啱納入咗歷史建築冇耐嘅邵氏片場啦
可惜謝絕參觀
繼續行路入科大,行行下發現呢到好多”怪”氣
目標逹到。招牌位影張招牌相,影完即走
又返來魷魚灣呢個樓梯口,繼續行去釣魚翁
續 part-3
發表迴響