注意,由青山發射站經青山腹地去白泥一段路比較崎嶇,如果未行過最好先研究路線同帶郊區地圖,予留多少少時間去行
離開發射站向下白泥進發,由涼亭後面走上一個小山頭,穿過旗桿大舊石然後再由小發射站旁邊直去
只要行到大石下面就會見到有路可以穿過去
時間唔早要急急腳趕住去白泥,減少影相紀錄路線。其實大致上都只得一條路,沿路會遇幾個到好似前面呢啲岔路,可以隨便揀一邊,應該行冇耐又會再合埋一齊
好快到咗另一個山頭,同青山講拜拜了
跟住由呢到落去,開始要行崎嶇山路了
之前經過見過有人喺呢到玩攀石
由青山去白泥路嘅路線係會先經過菠蘿山,大致上拉一條直線都可以望到。只要認住方向向前行就得,箭嘴指住嗰條車路係最易認,望住佢做目標嚟行就得
又再講下沿途呢啲分岔路,如果冇行錯路,分岔好快就會再會合埋一齊。但如果行咗一陣都冇,或者係前進方向改變就要先停一停,嘗試確定自己位置,必要時走回頭路再開始。
回望一下發射站,同啱啱走過一連串嘅山頭
目標在望,出到去車路之後就會好行好多
終於到了,落去下面車路轉左繼續。由呢到行去下白泥(唔太慢)大約要再多45分鐘,如果時間唔夠可以轉右落去良景邨走人,或者留喺山上睇日落,冇乜必要行一大餐落到白泥又冇野影
繼續沿車路上山
車路盡頭係接住泥路,再行前少少轉左就會見到另一條路
再落一段斜路就會用到呢個警告牌,後面就係攝影熱點
如果唔去白泥,喺呢到影日落一樣有前有後,我估應該會幾靚
跟住嘅路都冇分岔,有落冇上。沿路落山,間中會有影相位
接近尾段又由石屎路變成泥路
前面就係稔灣路,落去轉右然後沿馬路行就得。
呢段路又長又冇野睇,悶到爆
今日時間掌握得唔好,趕唔切出岸邊睇日落了,好彩咁啱有個位可以撈到少少汁
前面轉左再行前少少就到
天上冇鹹蛋黃影,唯有拍下地上倒影
下白泥日落確係唔錯
趁住好多人仲等梗紅霞出現,我拿林走人行去鄉公所等小巴
日落之後嘅紅霞都好靚
嘩,小巴站已經勁多人,至少要等兩架車?
今日青山之旅完成
回到 part-1
發表迴響