今日朝早有事做要落去中環，做完嘢就跟手去行山。由中環出發去行山最好嘅選擇就係上山頂喇，因為可以搭扶手電梯全不費力咁由中環去到半山嘅干德道。跟住再經舊山頂道就可以一路行到上山頂，到步之後再慢慢決定座車走人定係行路落山。好適合懶鬼或者係用嚟昆啲懶鬼去行嘅路線。可以行路上山頂，仲唔需要行崎嶇嘅山路，聽落都有啲吸引???。
路線：中環至半山自動扶梯>干德道>香雪道>舊山頂道>白加道>芬尼徑>頂廣場>夏力道>西高山>盧吉道>山頂公園>山頂廣場>芬尼徑>白加道>漆咸徑>中區自然徑>梅道>寶雲道>寶雲道健身徑>灣仔峽道>堅尼地道>石水渠街>藍屋
全長：14.77 km
時間：3小時33分
起點係中環嘅 DONKI，唔知佢幾時開張呢？開咗一定要嚟睇吓。
行過去隻?旁邊條斜路，上去扶手電梯。
呢段就係中環去半山嘅扶手電梯，如果想慳啲力，係可以企電梯一路上到去干德道先至開始行嘅。不過嚟行山冇理由搭扶手電梯嘅，一於行樓梯上?。
嚟到大館門口，發現登山電梯因為工程封咗。咁唯有順道行埋大館啦。
之前嚟過大館一次，今次再嚟覺得同上次有啲唔同。
唔太肯定自己上一次係發雞盲見唔到，定還是係呢個展館未開放。總之就係未睇過啦，一於睇完先至講。
原來以前啲手扣係咁嘅樣。
樓上啲商店同餐廳肯定係新開嘅，完全冇印像之前見過。
連條樓梯都係古董嚟。
參觀完大館，由後門行返出嚟。
之後又繼續沿扶手電梯旁邊嘅樓梯行上去(繼續攞苦嚟辛?)。
其實如果好地地行登山電梯就唔需要喺橋底穿嚟穿去，有少少自己攞嚟衰嘅感覺。???
嚟到登山電梯嘅最後一段。
上到嚟干德道，過對面馬路，跟住就再轉左直行。
行到嚟李園旁邊嘅呢條樓梯就轉上去。
正啊，又有一大段樓梯要行。
行完段長樓梯之後上到嚟，跟住喺左邊呢條樓梯繼續上去。
上到嚟干德道配水庫遊樂場，之後冇乜樓梯要再上了。跟住主要係上斜路。?
沿遊樂場邊行。
行到呢個路口就入去。
落完樓梯之後就轉右。
之後再行多陣就可以出去香雪道。
沿香雪道行到尾嚟到舊山頂道，喺路口轉右繼續上。
跟住過對面行人路。
繼續沿舊山頂道上去。
之後轉到入嚟豪宅區，繼續向上行。
行到尾呢條仍然都仲係舊山頂道嚟嘅，跟住一路行就可以上到去白加道。
個指示牌話上到山頂要行30分鐘，係太平山山頂定係山頂廣場先？?
轉個頭又行完呢段，見到前面條纜車橋。
跟住轉上行多一少段芬尼徑就到山頂廣場。
今日咁好天，先行過嚟獅子亭睇吓嘢。
嘩～好天到爆炸，超靚?。
影完相就出發去下一個景點西高山，沿左邊嘅夏力道去。
行餐飽嚟到夏力道尾嘅公園仔。
西高山，個牌又係話要 30 分鐘。其實行幾耐係要睇吓塞唔塞人。
依？呢個牌係新嘢嚟喎，第一次見。
起步～
行咗一大段樓梯終於上到嚟山頂。
西高山呢邊可以望到270度冇阻擋嘅風景，一樣係超正。
成個南y島都望到晒，近啲嘅係數碼港同薄扶林水塘。
喺西高山睇完嘢，返落嚟盧吉道，再由呢條樓梯上返去山頂公園。
轉個頭又上到嚟山頂公園嘅觀景台，可以望返過去對面嘅西高山。
影完晒相係時候補吓奶力，飲完就可以落山。
轉個頭又返到落嚟芬尼徑，落去之後就可以轉入白加道。
嚟到白加道站咁啱有纜車經過。
之後一路沿白加道行。
白加道嘅億萬豪宅 view, 每次經過都會停低欣賞一陣。
經過舊域多利醫院石基又影一影佢。
一直行到嚟漆咸徑口嘅入口就轉左，落去之後係連續之字形嘅斜路，轉吓轉吓最後就會落到梅道。
落到嚟漆咸徑嘅梅道出口，跟住轉左。旁邊就係梅道纜車站。
咁啱又有纜車經過，影都影唔切。
跟住就要轉入高化利徑，入口就係喺纜車站嘅斜對面。記住要小心過馬路。
行一少段高化利徑之後就要嚟個 U-turn 轉入去蒲魯賢徑。
跟住又沿蒲魯賢徑一直落到尾。
跟住就落到嚟馬己仙峽道。
之後過斑馬線，然後轉右沿行人路去。如果唔想繼續行，亦可以喺呢到轉落去纜車徑，好快就可以去到纜車總站。
跟住向前行入去寶雲道。
繼續向前行就係寶雲道健身徑。
好多人嚟健身徑跑步同散步，今次就遇到一位練習梗平衡力嘅長輩。
再行多陣又嚟到古蹟運水橋。
最後嚟到寶雲徑同灣仔峽道交界嘅十字路口，跟住轉左落去。
跟住仲要再落埋灣仔峽道呢段大斜路。
落到嚟堅尼地道，跟住轉右向前行，過完斑馬線就可以落去石水渠街公園。
北帝廟都閂門了。
嚟到藍屋當係今日行程終點。
行程記錄
Total climbing: 1330 m
Total time: 03:33:29
發表迴響