路線：東涌站>逸東邨>360救援徑(昂平棧道)>彌勒山郊遊徑>鳯凰徑4段>昂平>昂平奇趣徑(心經簡林)>東山法門>地塘仔郊遊徑>石門甲>石門甲道>東涌道>東涌炮台>東涌站
全長：17.15 km
時間：4小時43分
今次一連兩日行山去昂平，第一日無意中發現靚影相位✈，可惜天氣唔好。於是第二日再去，點知第二日天氣又係麻麻，都係等下個月先至考慮再戰。至於行山路線，前半段由東涌去昂路線已經講過好多次，唔多作介紹。後半段由昂平返去東涌路線屬於輕鬆易行嘅郊遊徑，經過有彿教色彩嘅地塘仔郊遊徑同炮台古蹟。係一條唔太辛苦又可以打個細圏嘅路線，慳車錢之餘又有足夠運動量，唔錯✌
Total climbing: 1091 m
Total time: 04:42:24
出發前慣例要影一影個噴出池
嘩，今日鳯頂勁多雲
咁好天，當然係會開心笑
今日水漲冇得行出去濕地睇野，反而更加容易睇到魚仔同蟹仔
好多礁潮蟹，隻隻唔停手喺沙地上面搵野食
當然仲有濕地唔少得嘅彈塗魚啦
鏡頭一轉已經上到嚟觀景台，今日抬住呢部大石頭上山。一機兩鏡兩片盒，好鬼重😵
過咗 3 號吊架之後嘅棧道有一塊木板斷開咗，要小心唔好PK
舊雲好似隻雀咁，喺機場前面飛過，海上面有港珠澳大橋嘅橋躉
行昂平咁多次，今日先至發現呢個係睇機場嘅靚位，可惜拎相機出嚟冇耐就開始多雲陰天
見勢色唔對拿林走人，返到去轉向站時已經始好大霧
去到昂平時個天黑晒，第一時間去巴士站。好彩咁啱有車，更好彩係上車之後冇耐就開始落雨
～Day2～
今日再戰去影機場，為咗有多啲時間影相，早咗少少出發。去到東涌站見到新鮮出爐麵包，就一於吔完午餐先至開始行😋
暫時觀察今日嘅天氣好好，希望上到山唔好忽然變天
正啊，藍天白雲
講下個靚位點去。行到彌勒山轉向站，向直升機坪方向行。旁邊(右)有一條好明顯嘅小路通去另一個山頭，沿路行就可以去到靚位影機場。其實並唔係乜野特別地方，郊區地圖上面都可以見到呢條路，如果繼續行係可以去到深石村或者䃟頭
今日天氣比起琴日好，可惜仍然係雲多。照到機場時前面山頭就黑晒，到照到前面時機場又冇光。要影到一張靚相有時都要係靠下運氣。對面岸好鬼尖嗰個座就係青山。
影完機場見時間尚早，可以慳下車錢，行返落去東涌。先由吊車站經市集向大彿方向行
行到見心經簡林牌就轉右
繼續沿路行，去到呢個路口轉左。查實有指示牌，就算發雞盲睇唔到，只要跟住人行就得
行到呢個分岔路口，可以轉左直接去東山法門，呢條路短啲慳時間。如果唔介意行遠少少可以直行先去一去心經簡林，然後經奇趣徑去法門
行到呢個十字路口，右邊係心經簡林同石壁郊遊徑，直去可以上鳯凰山，而左轉就可以去東山法門
行完短短一段奇趣徑，出到嚟路口就會見到法門口
起步出發返東涌，呢段路係行去地塘仔嘅郊遊徑，係一段好清靜(易行)嘅石屎路，沿路兩邊會有啲同彿教有關嘅石刻，邊行邊睇都唔錯
呢個叫中道亭，喺佢正面對住一條小路，照地圖睇係可以上去鳯凰山山頂嘅
入口見到絲帶記號，不過呢啲咁高難度嘅小路我一定唔會試(怕死又腳軟)
繼續沿路行，見到呢個路口直去
繼續直去，再行多一陣就會經過寶林寺
繞過寺院繼續照指示牌方向行
直去
呢到除咗寺院之外，仲有爛屋
前面有一段短樓梯，繼續落去
落完樓梯左手邊會見到呢個寫住水吟橋嘅牌，今日見時間多就入去八掛一下
原來只係一段好短嘅石屎橋，盡頭有一段樓梯上山(唔知去邊嘅)。停咗一陣諗住影相就已經有大量蚊飛過來開餐，即時急急腳走人
繼續沿路行，右邊嘅樓梯係上去伯公坳嘅
呢條小溪好似幾靚咁喎
行完地塘仔郊遊徑，右邊係羅漢寺，繼續沿路直行出去
石門甲村
繼續沿車路行，好快就會出到嚟村公所
呢到有小巴站，可以等小巴出東涌
想行路出去東涌有兩個選擇，可以沿車路(石門甲道)直行到尾再接東涌道。亦可以喺左邊呢個門口經村路行，一樣係接東涌道，而路程會短少少
呢個門口查實係石門甲村村口嚟
一條喺google map上唔存在嘅村路
村路盡頭係一個停車場
繼續行，喺呢到過橋
過橋之後繼續行，又係另一個車場
離開車場之後就係東涌道，可以過對面馬路然後轉左
沿東涌道旁邊嘅行人路行，就會經過東涌炮台
原來嚟炮台唔係淨係睇嗰幾枝大炮架喎，原來炮台圍牆入面仲有其他建築物，不過呢個應該係現代建築🚽
沿城牆頂行可以繞城一週，城牆依山勢後面比前面高好多
吖，幾特別
唔知個地下點解會整到咁呢
好，睇完野走人
今日真係早咗好多，天未黑就返到來東涌了
發表迴響