今日去咗聽一位針孔攝影大師 Justin Quinnell 嘅講座，佢先講咗好多歷史，然後再介紹下針機原理。最有趣當然係佢分享佢啲作品拍攝時嘅點滴啦，之後佢就示範點用個鋁罐嚟整日軌機，仲有喺Ｑ＆Ａ環節時送出同款嘅相機。
在場好多參加者都好想要，個個爭住舉手。以我性格當然唔會同人爭，而我手上呢個係問座我隔離嗰位靚女借嚟影嘅
到最後影大合照，為咗配合主題，現場工作人員叫大家座埋一堆影針孔寶麗來。跟住就set 起腳架叫大家企定定 20 秒
過啲過啲~~
我當然會好有興趣睇下佢部機點整，原來佢用個4×5寶麗來背嚟做，好嘢喎，嗰啲唔知係咪 blue tack 嚟呢？咁都得？
睇佢影出嚟啲相又唔錯喎，不過見啲 contrast 咁低好似 fog 晒咁，我有少少懷疑佢部機漏光
Justin 果然好多 fans，個個早有準備嚟搵佢簽名
其中一位朋友夠新奇，竟然搵部 Mac 嚟叫人簽名
連 Justing 都覺得特別，主動叫呢位朋友比佢影張相
咁查實我企係到睇人攪咁耐做乜？係為咗等圍住 Justing 嘅人少啲時可以走埋去問下佢可唔可以同我一齊行出會議室窗邊影張相。大師好爽快一口就答應，佢仲問我要擺個乜嘢pose，跟住問我係咪要企好耐。我同佢講，大約5秒就夠。好彩我嘅人肉測光冇出事，但喺大師面前大緊張手都震埋，矇晒。。。。
大師即係大師，佢叫我不如拍部機埋玻璃嚟張自拍。好橋，經佢提點之下跟住就影咗一張好清嘅自拍。好開心可以同大師一齊玩自拍，可惜我唔慣自拍構圖衰咗影到自己冇咗一忽。。。算啦，影pinhole 就係靠估先好玩，就係容易炒粉但又影到先滿足
發表迴響