好喇，開始下半段行程。沿住嶼南路吸住廢氣咁行上山?。
為咗慳番啲時間，決定邊行邊開餐。
行咗成 20 分鐘，終於上到嚟入口。
起步，向大東山進發～
行咗成粒鐘，終於到双東坳了。今日唔夠時間(同體力)上二東山，沿鳯凰徑直接行去爛頭營。
再行多一段路就到黃龍坑郊遊徑入口，經過時聽到班山友講話要試下行落去，等下次就由下面行上嚟。
今日好好天，可惜我趕頭趕命冇慢慢影相。
轉個頭又行到嚟大東山山頂，如常地企滿人。
到此一遊，影下個招牌先。
喺山頂休息一陣跟住就落山了。
轉個頭又落番嚟鳯凰徑。
再轉多個頭又落到涼亭。
又影下伯公坳個牌。
好，又再出發上鳯頂～
應該係少咗做運動，個人弱咗好多。未上到鳯頂就已經冇貨要小休，順便影下啱啱行完嘅大東山。
又上到嚟鳯頂了。
喺鳯頂座下，欣賞下双峰美景。何來双峰？一個係矮仔大東，同近少少呢個高聳入雲嘅吞拿魚飽?。
休息完又再起程落山，狗牙一帶好大霧喎。
轉個頭又落到嚟昂坪。
點解做運動會越做越肥，答案好簡單。飲一枝補腳力都唔夠，仲要加多包肥仔奶。加埋一共食咗幾多包糖落肚呢？唔敢計?
睇下時間已經 5 點，真係失敗。今次衰到連落深屈都唔夠時間，唯有行棧道返去東涌。
勁多人排隊座纜車，我估佢地排隊加埋座車時間可能同我行棧道返去東涌差唔多。
又起程了～
經過彌勒山郊遊徑時見到好靚嘅耶穌光，即時企定定喺到影。呢啲相加味精唔少得啦～
行到去轉向站見到對開個山頭有影友 set 晒腳喺到影日落。
沿棧道行斷斷續續都會見到呢啲為換鋼索整嘅臨時支架，行埋今次之後應該要等多半年先至有得再行了。
東涌在望了。
嚟到尾段已經差唔多全黑了。
離開山區，hea 行返去東涌。
敗走完成，留番下次再戰。
發表迴響