路線:石壁水塘>鳯凰徑8段(引水道)>鳯凰徑7段>深坑瀝>分水坳>靈會山>龍仔>鳯凰徑6段>南涌>大澳市集>深屈>沙螺灣>東涌
全長:27 km
時間:6小時
Total climbing: 1497 m
Total time: 06:53:35
新年諗住行個大運,所以一早就入左去東涌座巴士
巴士座到過左石壁水塘水霸落車
一場嚟到石壁水塘,點都影番張先
起點係水塘引水道入口
忽然發現呢個牌話封左路,話唔可以經二澳入大澳,記得之前行過嗰時好似只係話條路d草好長咋喎
反正都係要行,唔諗咁多出發
靠右上斜
行下行下經過水閘開左冇鎖,梗係入去八下啦
原來都水閘另一邊有條好似係隧道嘅物體
沿引水道行會先後經過大浪灣同狗嶺涌營地,都係悶到抽筋冇野睇嘅路段
行到發毛終於行完條引水道,係呢到落去就係分流
轉右再行樓梯上
嚟到呢到又見到個封路牌,而我又想試下條未行過嘅路線,於是就係呢到轉右上左山.(直行就可以去到分流)
經過一段爛石路,冇耐就見到一個山頭,睇地圖呢個好似叫深坑瀝
山上見到分流
係呢到植林?
灣灣山路,又幾靚喎
到左分水坳,前面就係靈會山
L045 – 睇地點兩邊都去到大澳,不過我見到個山字就揀左上靈會山
連呢到都有封路牌
上到山頂,不過能見度唔高冇乜野睇
今日托住佢地行山,行得耐都覺得幾重.仲有唔知點解山頂枝測量柱會唔見左
查實有指示牌,向大澳道行
大澳道,右邊
呢樹落去
好長嘅樓梯,係咁落係咁落
依,有間屋喎
原來已經到左龍仔悟園,大門鎖住
龍仔悟園呢到有個荷塘係到,離遠望都幾靚
睇完野繼續向大澳進發
留意呢個唔多起眼嘅路口,去大澳唔同大澳道,一個唔小心就會行錯路
我實在係太低能,係咁死衝過左個路口都唔為意,跑到過晒廟先知領左野
好辛苦咁爬返上來頭先 miss 左個路口,繼續向大澳進發
呢樹尾段落山,係一段超級斜路,慢落辛苦快行又怕仆死
望到大澳了
終於落完條長命斜,到左南涌
咁多指示,識字就會識行
向呢邊直行就可以出到去巴士站
今日大澳唔算太多人
行左咁耐,梗係篤番兩粒巨魚蛋吔下先啦
食完魚蛋望下隻錶...嘩!都係要拿拿林繼續行出東涌.經新基橋呢到行出去
又係招牌位,影番一張先
開始行出東涌了
直行,右轉都得.不過右轉會行多左路同參觀山墳
呢原本好多草,家陣比火燒晒
去到深屈,見到好有形嘅晒鹹魚
深屈碼頭,喺呢到影相都幾特別嘅
好彩呢到冇封路
呢到直去係沙螺灣碼頭,轉右繼續行出東涌
終於出到來濕地了,時間啱啱好出到來開始天黑
再行多一陣就到地鐵站,今日行夠收皮
發表迴響