今日本來只係諗住行多一次良景去青山,點知自己發傻唔識落車座左去屯門.於是將錯就錯改路線由青山去白泥.原本予留嘅食晏時間都冇左,買兩個飽就出發了.
路線:屯門站>青山寺>青山發射站>菠蘿山>下白泥
全長:12.5 km
時間:4小時20分 (包括影相,等日落)
Total climbing: 783 m
Total time: 04:20:16
由屯門站A或者B出口出來然後沿杯渡路向青雲路方向直行.
行到街尾見到打横呢條係青雲路,可以望到青山山頂上個發射塔.左手邊係建安站
冇斑馬線,要過去對面只可以用行人天橋
過馬路之後沿青雲路直行
去到呢個路口轉右
行到街尾又轉左
再行冇幾遠都轉番右就係入口
沿青山寺俓上山
又係長長嘅斜路,感覺同由良景上山時差唔多
經過一段斜路嚟到青雲觀門口,行旁邊條路繼續上山
再行冇耐開始上樓梯了
行到呢個位要留意,上山係要轉右而唔係直去.如果第一次行唔識路一定會好易中招,好彩我上次試過由青山落嚟認得路.今次上山就冇衰
繼續上
行行下又變番斜路
開始有野睇了,不過高度仲係未夠
山頂在望,不過梯級就仲有好多
樓梯級開始不規則了
呢個唔知算唔算係觀景台,影番張全景先
山下面間屋仔似乎係電話天線發站
越來越爛,即係越來越近山頂了
就快到就快到...
到了,望到涼亭了.有少少莫名其妙,上次由呢到落山用左一粒鐘,今日行上嚟又係用一粒鐘...
拿林行埋上山頂影相,灰矇矇嘅屯門
是日三寶,一機三鏡都唔算太重.係山頂影完相休息一陣就繼續起行了
話咁快就由青山發射站行到過嚟,望番轉頭好似好行左好遠咁
係呢個測量柱又掃番一張全景
落山時喺路上遇到一班健步如飛嘅老人家
今日呢到冇人玩攀石
認住呢個山頭,要行爛路上山
望到車路了
又嚟到呢個平台,沿大路行就可以去下白泥.不過我又想先去影一影千與千尋,所以行左前面呢條山路
唔知邊個係山頭整左兩個咁野
影完石像就走回頭去下白泥
行到一半轉右可以會合車路然後繼續行程
過咗危險警告牌可以沿靚路落山,或者係行上前面呢個小山影一影下白泥
今日天灰矇矇影唔到d乜
落番大路繼續落山,遠處望到堆填區
下白泥魚塘
行行下...嘩~~ 攪乜有架車係到半天吊
落完山到稔灣路轉右沿路行就可以去到下白泥
行餐矇去到呢個路口轉左
見咁多車就知今日好多人入嚟睇日落
今日水漲,見唔到蠔田
日落之後要拿林行去小巴站排隊,唔好做傻事諗住係路口等.
係呢到座小巴出元朗
發表迴響