呢個農曆年假期日日都唔好天，嚟到假期最一日冇落雨就出街行下。揀條簡簡單單嘅短途路線，由鰂魚涌出發行去淺水灣，跟住再去黃竹坑試下新開嘅南港島線。
路線概覽
[smartslider3 slider=5]
雖然路線紀錄時間係5粒幾鐘，實際我行到淺水灣睇下錶只係用咗兩粒鐘(唔太hea)，另外嗰幾粒鐘係喺淺水灣 hea 同放飛機用嘅時間嚟。如果以淺水灣為終點站，路程就大約只有10km。就算以均(龜)速 2.5km/h 嚟行都只係需要4粒鐘，絕對可以食完個晏先至出發，去到淺水灣行下海灘睇埋個日落再開餐。食飽又可以沿海邊堤岸路散步行下，去到深水灣海灘座下睇? hea到夠先至座巴士走人。吖~~ 咁玩法唔多似係一個人行山嘅路線喎。。。
路線：鰂魚涌站>柏架山道>大風坳>大潭上水塘>大潭西引水道>淺水灣坳>南灣道>淺水灣道>淺水灣海灘>麗海堤岸路>深水灣>苗鍾徑>香島道>黃竹坑站
全長：14.4 km
時間：5小時17分(包括hea同放飛機時間)
GPX 紀錄可隨便 download
Total climbing: 920 m
Total time: 05:17:16
由鰂魚涌站出發，一直沿英皇道向太古方向行。
行到見到柏架山道自然教育徑就照指示轉右行入去。
沿住馬路行上去。
次次行都冇留意路旁呢個牌，難得佢大年初四都開，今日就上去睇下。
出發上山了。柏架山道係車路，由呢到開始一直上到大風坳(甚至係山頂波波)一級樓梯都唔會有。可以話係極度易行嘅小學雞路線。
轉個頭就上到嚟呢間叫紅屋嘅自然教育中心，睇個樣就知係古蹟嚟啦。睇漁護署公告話呢到原本係太古塘廠高級職員宿舍嚟嘅。
喺教育中心入面見到佢，佢啲同類我之前行昂坪棧道時都見過。
大發現～原來我一直都錯咗別字。成日以為啲蟹喺濕地出現就一定係用礁石個礁字，原來係招手個招呀！雖然覺得有少少唔合理，但冇理由漁護處會攪錯，咁我梗係要信佢。
睇完嘢就繼續上山，柏架山道實際真係一條路車路嚟，所以有唔止有路牌，仲有號數。呢樹係柏架山道 50-2
望下消失喺雲霧入面嘅山頂波波，決定今日唔行去上打霧水了。
鏡頭一轉就上到嚟大風坳，呢到可以行樓梯上去畢拿山接港島徑去陽明山莊，又可以沿路落去大潭水塘。
涼亭後面就係上畢拿山嘅樓梯，隔離就係落大潭水塘條路，再隔離就有地圖睇。
又睇下地圖先～跟住落嚟嘅路線係沿路落去大潭上水塘，過水壩之後可以揀轉左行大潭西引水道或者係轉右行大潭水塘道。行水塘道會多啲風景睇，不過今日應該會人山人海，都係照舊行條靜少少嘅引水道去淺水灣坳好啲。
起步落山，呢段路一直落斜又冇乜嘢睇，最好係慢跑落去。
跑到見到第一個分岔路口繼續直去。
再跑多一陣就嚟到大潭上水塘水壩了。
沿水壩行到尾，轉左。轉右都得，不過會塞人囉。
呢個就係大潭上水塘。
行到前面路口再轉左。
跟住就過呢條橋。
過橋之係就係引水道，係一條又長又悶嘅路段，冇分岔路跟住行就得。如果有氣有力嘅話，跑埋呢段都唔錯嘅。
行咗一陣見到新裝咗個牌，記得對上一次行未有嘅。
見佢有晒介紹，似乎可以行入去睇下喎。
我頂～ 行到落嚟又話此路不道，可能啱啱整完個牌仲未整好去磚屋條路都未定。其實睇地圖呢條路可以行番過去大潭水塘路嘅，不過今日冇打算試新路，都係行番轉頭繼續去淺水灣算了。
鏡頭一轉已經行晒成條引水道，見到泥路了。行多一陣就會到同衛徑交接嘅樓梯。
由於路口企滿人只可以影下個指示牌，行到樓梯呢個位跟住就轉左落去淺水灣坳。如果覺得唔太清楚可以參考我上一次個 post。
落樓梯去淺水灣坳。
到了～
今日淺水灣坳勁多人，最好係拿拿臨走人。跟住就沿住引水道直行。
行幾步之係就會見到右手邊有個路口仔，跟住就轉落去行。
跟住啲路比較爛，唔難行嘅，小心啲行就得。
跟住又係只得一條路沿住行就冇錯。
見到呢啲路即係差唔多行完。
再行埋出去就係。
睇個指示牌就知，其實好多人由呢條路上衛徑。
山就行完了，跟住係行街。沿行人路去落去淺水灣。
行過咗油站出到街口轉右。
沿行人路行前少少再過對面馬路。
繼續沿行人路直行。
行到見前面呢條樓梯就轉落去。
落完條樓梯就係淺水灣了～
比起夏天今日海灘算少人了。
喺海灘 hea 完一大輪就出發去黃竹坑，經過見到呢個雕塑幾特別喎。
行到海灘尾就會見到一條叫麗海堤岸路，沿住行就可以去到深水灣。
堤岸路嘅盡頭就係深水灣，呢到最多人係嚟 bbq ?。跟住就係經苗鍾徑行出去黃竹坑。
同淺水灣一樣，苗鍾徑入口就喺海灘另一邊嘅盡頭。跟住又係一條路沿海邊行就得。
前面係苗鍾徑盡頭，會上番上面條馬路。
臨尾上多一段仔樓梯。
上完樓梯之後就轉左，跟住沿香島道一直行。
過對面馬路。
見到地鐵站個指示牌。
到黃竹坑站，今次可以座地鐵走人了。
發表迴響