曾經話過以後都唔買再買叮噹公仔(因為冇位放)，所以今次日本之旅冇打算要搜羅叮噹。不過壞朋友嘅一個 whatsapp 就令我破戒了，因為今次呢隻白虎噹真係幾特別
如果唔係朋友通知，真係唔知原來東有個地方叫虎之門。我估可能係因為日文虎(tora)ノ(no)門(mon) 同叮噹個名 ドラ(dora)え(e)もん(mon)發音上好似，咁順口攪個crossover就啱晒啦。再搵下資料發現呢座商業大樓似乎已經唔係第一年攪叮噹 event，話唔埋出年又有都唔定。今年 event 由11月24至12月25日，仲有兩個星期時間可以抱隻白虎叮噹返屋企。官方網站有交通資料，座地鐵銀座線去到虎ノ門站由1號出口出嚟，一個大U-turn之後沿路直行就到
冬天過嚟日本5點鐘個天就已經黑晒，由地鐵站出嚟一望四維冇乜人又冇乜鋪頭，條街又黑紋紋好似已經係半夜三更咁。拎個google map出嚟定咗方向就沿住行人路直去，見到間便利店繼續直行就得
到了
未上樓就開始見到虎噹嘅身影
沿扶手電梯上2樓平台，馬上就會見到大大個 banner，唔好掛住影相小心會 PK
虎噹嘅身影隨處可見
見到真身了，聖誕老虎叮噹～
對眼好有神采，之不過我都係like傳統實色黑眼珠多啲
行咗一個大圏，終於搵到呢個唔多起眼嘅檔灘仔
有水杯，貼紙，公仔同post card，諗下買乜先。。。。帶唔夠現金都唔怕架，佢收咭嘅🙈💳
結果又拎住一袋野走人💸💸💸
第一次買唔係紅色波波尾嘅叮噹
以我嘅性格，post card呢啲咁搵笨嘅嘢我一定唔會買，不過當我見到呢set咁生動可愛嘅虎噹就忍唔住要比錢。至於另外一set post card就冇乜特別，可以慳番
仲有呢張3百幾yen嘅貼紙，made in Japan架喎，食杯雪榚嘅價錢，冇理由唔買
如果仲未夠喉，可以再座地鐵落去附近嘅六本木，去埋朝日電視台，入面再掃下貨
發表迴響