又去行山

本來諗住一早跟人去行山，點知攪錯出發時間，結果又係自己一個去行。

路線：麥理浩徑第五第六段 ~ 沙田坳 > 筆架山 > 九龍水塘 > 城門水塘
全長：大約16km
時間：4小時40分鐘

由黃大仙地鐵站 E 出口轉左行冇幾遠就到小巴站，座小巴去到沙田坳邨路口落車。

落車後行番轉頭，見到法藏寺沿路直上就可以去到出發點。

係呢個路口上

由小巴站開始行１km多少少就去到全程唯一嘅保給站．有野食有野飲，帶唔夠水嘅呢個就係最後打水機會．

出發！

一開始已經係長長嘅樓梯，好在行冇耐就開始有風景睇

一路上山風都算唔錯，向筆架山波波進發

原來呢段麥徑沿路有唔少軍事古跡，仲有指示牌介紹．呢個係機槍堡，不過有少少唔明點解係個山到整，可能以前d敵人興由山路入侵

話說呢個係比較少有而又保存得好好嘅軍事地標，我當然係唔識分，不過個牌係咁寫

距離筆加山一少段路，可以望到成個九龍塘同窩打老道

筆架山觀景台

由觀景台望可以見到成個九龍

係山下面望得清清楚楚係筆架山上嘅雷達波波，原來行到山上係睇唔到嘅．(勁失望ing)

唔知點解呢支三角測量柱唔係喺山頂

大波波影唔到，影隔離細波波保數

放飯時間，今日嘅午餐係七仔飽一個

完成麥徑第五段，轉右落去就係九龍水塘

大埔公路，前面馬路就係九龍水塘入口

今日水霸竟然冇人

入左金山郊野公園就又開始行餐死，沿車路行有一段好長好長嘅斜路

上完斜路開又開始落斜。開始狂跑。。。結果跑過龍行錯路去左引水道 Orz

行番轉頭先至見到呢個因為跑得太開心而 miss 左嘅指示牌

由呢到上就可以去到城門水塘，算係易行路段

沿路行又有古蹟，呢個仲有個牌寫住話係法定古蹟

入口有英文字，寫住 SHAFTESBURY AVENUE，唔知呢條街通去邊呢？

行左咁耐終於到左城門水塘

沿指示牌行番出去小巴站走人，完成今日行程