雖然 SP360 套裝買返來已經有單車 mount可以用，但係外表實在係太”薯”同好難 mount 到喺單車正中。於是早幾日喺鴨記買咗個大陸 gopro 腳架座返來準備改裝。買個鋁質座貪佢外表睇嚟好高級，估唔到實際質量勁差，個螺絲窿竟然係斜嘅。如果真係買佢嚟上 gopro 就慘囉，好彩我係用嚟己改裝唔需要呢個螺絲位
個爛鬼螺絲窿係M5，就用枝 5mm 鑽咀來修正佢，一次過剷走埋啲螺絲牙。開完窿跟住再用線鋸(我最拿手)鋸走其中一塊支架片，改裝就差不多完成
攪掂，安裝測試
配合之前做好嘅標準腳架螺絲，好快就組合完成。不要唔可以靠晒佢食力，要再加螺絲固定先得
呢個係最高難度嘅步驟，要對準 mount 上面原先兩個窿去鑽穿下面個鋁座。完成之後就可以用螺絲由底直穿上來上實塊 garmin mount
由於位置太窄，先要將螺絲頭磨細，同時要再磨短少少。順帶一提 garmin mount 用嘅螺絲係 M3，想自己改裝嘅唔好買錯螺絲
好穩陣，打風都唔會甩
本來諗住可以收工，點知粒螺絲頂鬼住個相機殼，唔可以向前影。要再攪攪佢藏埋個螺絲頭入座裏面，想話偷下懶都唔得
左：正常位置部機向地下，ok 冇問題
右：傳統 action cam 模式時鏡頭要向前，頂住咗
再開大啲個窿就可以成個螺絲頭藏晒入去。靚仔晒，準備出車去試機
發表迴響