好耐之前已經打算要做過一條相機帶，不過買完材料之後就如常地放理一二邊。直到再準備去旅行時，呢件事又忽然變得有急切性要盡快開工。
拉線，上邊油底油都冇乜特別，就咁影下條完成品算了。今次以橙色為主，上咗好搶眼嘅鮮橙色邊油。
簡簡單單一條相機帶冇乜野需要預先設計，帶頭連接部分嘅紙樣即興就畫出嚟了
沿紙樣用銀筆係皮面上畫線，之後就可以佢出嚟
cut晒出來了，要修下邊先得
做到咁上下就走去深水埗買材料，闊度要同相機個扣一樣。揀咗幾條等返到屋企先至再諗
滿心歡喜拎住喺深水埗買返來嘅布帶配色，橙色最靚
打完窿就可以完成釘裝了
真係人算不如天算，準備釘裝時忽然發現其中一個扣唔見咗。好唔容易買番一對差唔多嘅扣，但因為闊度唔同咗，之前買嘅布帶唔啱用。臨急臨忙唯有用淨低嘅皮料嚟完成條相機帶
相機帶尾需要穿扣唔可以太厚，所以一定要削薄。大約削走一半就ok了
點樣可以好平均咁削薄一條皮呢？我估個個人用嘅方法都會唔同，我就會用兩個銀仔加一塊刀片嚟做。
只要控制好力度，人肉削皮機其實唔難。當然皮條嘅闊度唔可以太大啦
削薄之後就可以打窿
穿相機扣嘅一段拉多一條單線就靚晒，不過最錯係用咗橙色線，出嚟效果唔起眼
又係時候掘番呢個印板出嚟
全個制作過程中最有滿足感就係呢part，用自已整嘅印板嚟壓logo
準備最後工序，拉埋呢條線就用得了
完成了，靚唔靚就見仁見智啦，不過肯定係獨一無二，自己做嘅實滿意✌
發表迴響