路線：鰂魚涌>柏架山道>大風坳>柏架山>大風坳>畢拿山(港島徑第5段)>渣甸山>陽明山莊>大潭水塘路>黃泥涌水塘公園>紫羅蘭山徑>淺水灣坳(衛奕信徑第1段)>孖崗山>赤柱峽道
全長：15.85 km
時間：4小時07分
好多人(包括我自己)都想搵路線行山入去赤柱市集，不過我今日行呢條路線去只係能夠去赤柱峽道，如果唔啱心水就無謂行餐懵。想去市集可考慮喺終點座巴士，或者由大潭篤水塘經老虎山引水道行過去。查實行呢條路線當做運動都唔錯嘅
路線概覽(按圖放大)
Total climbing: 1400 m
Total time: 04:06:48
繼續沿行人路直去
嚟到近住鰂魚涌街市呢個街口會見到指示牌，跟住轉右
再行前少少就會見到入口
出發，開始上波波。由呢到開始直到柏架山山頂波波全程都係鋪得靚靚嘅石屎路
由入口行大約3公里就到大風坳，呢到係幾條山徑交滙處，由呢到轉左繼續行多大約2公里就會到柏架山山頂
繼續上柏架山，繼續係斜路
似乎大部分人行咗幾公里斜路之後都唔想乎再行多兩公里斜路，加上登頂之後又要原路落山，所以呢段路比較少啲人行。包唔會塞人
到山頂了，前面轉右去大波波，轉左去細波波。建議先轉右去大波打個轉，然後再去細波睇風景影相同休息
大波波，又要推介一下呢個柏架山雷達站。呢到可能係全香港唯一一個可以近距離圍住個雷達波波打圈影相嘅地方。
留意右邊有路入，就咁望好似好多雜草嘅爛路，其實成條路都係鋪得靚靚嘅石屎路嚟
唔知佢幾耐冇沖過涼呢下
喺大波波山繞圈時可以望到對面山頭嘅小波波
離開大波波山，原路落返去先前個路口上另一邊嘅小波波山。留意旁邊呢個樓梯口，上去就可以繞波一週
繞場一週之後盡頭就會嚟到小波站入口
呢到風景一流，可以見到啓德，鯉魚門海峽，東九龍，柴灣同小西灣
早前嘅斜坡工程已經完成晒，家陣靚仔咗好多。最特別係呢到無厘頭地整多咗一條維修用嘅通道，感覺上就好似係尊心整出嚟比人上去睇風景影相嘅觀景台。真係要讚下政虎
離開雷達站原路落返去大風坳，穿過呢個涼亭後面就會見到一條上山嘅樓梯，由呢到上去畢拿山
起動，呢到係港島徑第5段
畢拿山
由呢到望落去可以見到大潭同大潭篤水塘
離開山頂繼續沿港島徑行，冇耐會見到前面呢個同衛奕信徑交接嘅分岔口
沿黃泥涌方向繼續行，呢到開始港島徑同衛奕信徑係重疊嘅，跟住見到啲標距柱都係一齊打孖上，幾特別
之後會見到呢個廢石礦場/靶場
再行多一陣就到咗渣甸山山頂，呢到可以望下港島
之後行嘅路都冇乜野睇，只要繼續沿路再行多一陣就會嚟到陽明山莊附近嘅呢個出口。
續 part-2
發表迴響