今朝個行程由行山轉咗去商場打圈，等GU開門入去買叮噹tee。原來有呢個諗法嘅人都唔止我一個，去到門口已經有幾個人喺到等梗。心諗又唔係買口罩，冇理由未開門就排隊咁癲下化？喺商場行咗幾個字之後再返嚟已經開咗門，即時衝入去睇吓。

入到GU好容易就搵到賣叮噹嘅貨架，唔係因為見到個牌，係因為間鋪入面唯一有班人喺到湧嘅地方就係呢到?。初時見到勁開心，啲叮噹好得意好得意。睇多陣就?咗出嚟，全部唔係女裝就係童裝。

個人頽晒咁行去另一邊貨架，男裝部可以話係天同地嘅分別，款少貨又少。我???乜家陣麻甩佬唔比鐘意叮噹架咩，簡直係歧視男叮噹粉。

啲款睇完買唔落手，仲有件係印咗我最L憎嘅大雄。今次可以慳番唔少，買兩件算了。

排隊比錢清一色係買叮噹衫嘅人，每人都有個膠file送。

跟住同個friend吹水話男裝冇乜款揀，佢講咗個重點出嚟。佢話cute嘅叮噹衫係留比cute嘅囡囡著嘅，妖~~又好似好L有道理咁喎?。