續 part1
離開山頂,諗住照地圖上嘅小路由另一邊落山,但係搵左一輪都搵唔到另一條路嘅入口,唯有揀個似係路口嘅嚟試下
起初落山嘅路尚算好行
越行路就越唔明顯,草又越來越高,仲要加埋大霧難分方向,結果行行下就偏離左原來嘅小路,行左一條連地圖上都冇嘅小小路,好彩仲有個 garmin 喺身,定左方位夾硬行終於可以出返去大路
攪掂,終於出到鳯凰徑了(抺汗ing)
沿路落山,迎面見到有唔少人行上山扎營
唉,真係吹鬼漲,落左山又見到好好天了,唔知係咪今日雲層太低呢下
依,似乎到了
到左伯公坳,唔想咁快就座巴士走人,經鳯凰山去昂平好似好辛苦,行去水口又怕天黑唔夠時間,點好?
拎張地圖出來望下,原來有個地方叫池塘仔,經佢去昂平唔使爬個鳯凰山喎,一於經佢入昂平
沿東涌道行落少少去到呢個路口就轉入去閘後面呢條路
又係靜到爆,沿住條斜路一直行落去
到左地塘仔郊遊徑入口了
指示牌話去昂平要行 4km,拿林出發
吖,呢樹又幾靚喎
行行下見到七姐果
依,落去有靚路行
落到嚟望一望個路牌,原來可以出東涌喎。諗落又冇乜理由行入去昂平之後又再座巴士出東涌咁笨,一於轉軑唔入昂平
向東涌進發,遠遠望到屯門同青山,好鬼好天
繼續直行
依乎已經到左石門甲了
呢到有間羅漢寺,入面傳來陣陣狗吠聲
沿路行出少少見到石門甲材公所
再行出少少見到有舊寫住大王爺嘅大石,仲有人裝香供奉,唔知係咪風水石之類呢
再行出少少有指示出東涌市中心嘅方向
穿入去呢到行
途經一間玄壇古廟
經過呢條鄉村小路,感覺幾舒服
到市區了,爛地車場
回頭望上山,都仲係兩大舊雲黐喺山頂。今日上大東山(左)同鳯凰山(右)嘅人都應該會好失望。
既然出到嚟呢到,就順便去埋東涌炮台睇睇。沿呢條橋行可以出到東涌道
繼續沿路向前行
見到東涌道過對面靠右邊行
再行冇耐見到呢個拱門就到了
城樓下見到一枝枝炮,入去之後有個牌介紹炮台嘅歷史
法定古蹟 大嶼山東涌炮台
東涌炮,在青朝時稱為「東涌所城」,屬大鵬灣右營的海軍總部。炮台正門頂上石碑刻字,說明炮台建於清道光十二年,即公元一八三二年。
撰擇東涌為海軍基地,乃由於東涌位於大嶼山北岸,具有重要的軍事地位:控制大嶼山與大陸間的海域,當時經過此海道到廣州貿易的洋船日益頻繁。
炮台北牆上裝有大炮六尊,其中兩尊分別造於一八零五及一八零九年,另兩尊造於一八四三年,其他兩尊則因炮身上的字跡模糊,不可辯認。大炮未必屬於原炮台,可能是一九一八年間英人以炮台作為警署時從他處移至於此。
一八九八年新界租借予英國,清兵撤出炮台,後即作為警署之用;到一九三八至四零年間成為佛山華英中學校舍,其後用作東涌鄉事委員會辦事處及東涌公立學校。
大嶼山東涌炮台於一九七九年八月二十四日被列為法定古蹟,受《古物及古蹟條例》保護。
上到城樓睇下,正如介紹所講,有三款唔同嘅大炮
呢枝係嘉慶十年做
呢支肥啲嘅係道光二十一年做,仲有另外兩支好樣衰冇影到
睇完大炮繼續行,再次經過今朝出發時嘅黃龍坑道,行左一個大圈
終於返到來了,座地車走人
發表迴響