間中會去銅鑼灣避風塘行吓影吓相，今日行過發現之前拗咗好耐嘅天后廟似乎講掂咗數，已經開始動工興建。話說銅鑼灣避風塘天后廟係全香港唯一一間係水上面嘅廟，淨係呢樣已經夠晒特色。但亦因為要座駁船先可以去，知道同去參拜嘅人都相對地少。後來政虎收返荒廢多年嘅敬記船廠(以前經常去影相嘅地方)，有人提議將廟船拖去船廠位置成為特色景點。但設計方面講唔掂數，結果船廠收了又拆了，跟住塊地就用嚟曬太陽同養白鴿。

以前隻廟船唔近岸邊，後來政虎攪十大雞建避風塘大執位，廟船泊近咗，行過都可以望到。過時過節廟船就會插滿旗好搶眼。

行過地盤見到模擬完成圖，廟船有朝一日就會消失了。睇嚟要等好天抬返部菲林機出嚟去為廟船留影先得 。