上星期行完港島，今個星期又再行多一次。今次想試吓搵路由小西灣連接去大風坳，因為如果要由港島最東邊出發向西行，除咗跟港島徑兜大圈之外好似就冇其他山徑選擇。打開張郊區地圖研究，見到大潭峽附近其實係有小路可以上山，不過入口就喺馬路旁邊。而附近係冇行人路嘅，即係有機會係喺搵到入口之前就已經比車車死咗。而今日行程最危險正正就係呢一小段由石澳道行去大潭道入口嘅馬路，之後上柏架山路段崎嶇同需要一定體力，要做足準備先好去試。唔好要麻煩人去救你啊～
路線：小西灣運動場>龍躍徑>哥連臣角道>砵甸乍山郊遊徑>大浪灣>馬塘坳(港島徑第8段)>大潭峽>柏架山>大風坳>大潭上水塘>大潭西引水道>淺水灣坳>淺水灣>深水灣>海洋公園站
全長：22.25 km
時間：6小時30分
路線概覽(按圖放大)
出發地點仍然係小西灣嘅龍躍徑，喺柴灣站座47M小巴過去話咁快就到。
運動場站落車，跟住行入公園就係起點。
由呢條樓梯上去。
入口有路線地圖簡介，望吓就算了。要自己帶備參考地圖。
向左走向右走，結果都一樣。
龍躍徑基本上係冇枝路，就咁跟住行就得。唔會行路錯嘅。
嘩，有嘢豬喎。
繼續沿龍躍徑上山。
見到左邊呢條樓梯就行上去。
上到嚟呢條係哥連臣角道，跟住轉左行上少少樓梯口上去砵甸乍山郊遊徑。
跟住沿呢條樓梯上去。
照指示牌向大浪灣方向行。
離遠一次過望到晒龍脊石澳同埋鶴咀。
行過呢段路好多次，未試過轉落去大浪灣。今次一於試吓行落去睇睇。
熱門山徑條路整得好靚。
其實今次行落大浪灣係有目的嘅，主要係想搵吓地圖上標示通去懲教所嘅一段小徑。行咗一陣好快就見左手邊有路，不過位置唔多似。
行行吓又有，不過都仲係好唔多對路。
繼續落，呢條似係了。呢個位直頭望到懲教所。
落多幾級樓又有入口，應該係呢條路，擒出去睇睇。
小徑好明顯。
行行吓見到有啲絲帶，似係引路向上山。另一邊就向落，咁段估都會揀落嗰邊嘅。
越嚟越近。
啲路就越嚟越斜同崎嶇。
好斜，好彩兩邊好多樹可以借力，慢慢落就冇問題。
落到嚟係一個樹林。
另一邊有個明顯嘅出口。
行上嚟之後有條樓梯，通去一個墳墓。
跟住直去。
似係到出口了。
哦，原來真係呢到。上次唔知入口喺邊又唔敢四維搵，今次掉番轉由另一邊行過嚟就清楚晒。如果下次再行就知點上嚟了。
目標達到，原路折返。
轉個頭又返到上嚟。
繼行程落大浪灣。
到了，掃番張全景先講。
第一次由港島徑起點開始行。
吖頂~係終點先啱。自己真係低能?
呢段路比起想像之中易行，不過都行咗成20分鐘先至上到嚟。
到馬塘坳涼亭。
又嚟到呢個路口位， 今次唔上龍脊了。
繼續沿路直去。
留意有個牌指示落去就係巴士站。
落去係石澳道。
攪掂，不過我當然唔係諗住座巴士走啦。跟住係就到今日重點探路行程，搵路上柏架山。
繼續 part2
發表迴響