行下港島試下路－小西灣去淺水灣 – part2

繼續part2 行程。
落到嚟石澳道，過對面馬路9號巴士站(柴灣方向) ，唔係要座巴士走，係沿行人路行。

好快行人路就消失，要行一小段馬路。

過咗窄路段，又有行人路了。

再行前多少少出到嚟大潭道迴旋處，跟住要過馬路。喺迴旋處過馬路係危險嘅，好在呢到車比較少，留意車流小心啲過。

用安全島接安全島嘅方法，繼續向前面行。先過去對面嘅行人路巴士站。

真係估你唔到，入口就係對面馬路嘅斜坡維修樓梯。呢條路唔係夾硬嚟架，郊遊地圖上係有標示嘅。不過咁，印喺地圖上面又唔等於每一條路都可以行嘅。我先假設呢條比行?

留意入口位置係轉灣位，如果有車轉出嚟睇唔到會好危險。所以必定要先喺對面馬路巴士站先確定冇車先至極速跑去樓梯口。

行咗上嚟就安全了。

跟住行前多少少喺呢到轉右。

沿住呢條倒U形嘅維修道行，行到開始向下都未搵到入口，衰咗了。

即時行番轉頭慢慢搵，原來自己行得太快忽略咗個入口。

掂，進入咗山徑就唔洗再搵路。雖然呢條小徑入口咁麻煩，但條路完全唔似係少人行嘅山徑。中途仲遇到一個迎面而來嘅山友。

依，到出口了。呢條打橫嘅係港島林路(美景路段)。

跟住轉右。(轉左就去大潭水塘)

行前多少少見到個路口，跟住轉左。

有牌指示去大風坳，呢段係野豬徑。

跟住再轉左。

然後又靠右。

最後嚟到一個電塔底。

電塔後面有個小徑入口。

由於我行完山隔得太耐先至寫記錄，細節位就算再睇相都已經唔太記得。印像之中跟住落嚟嘅一段上山小徑再冇枝路，跟住行就得。

呢個位好似係有枝路，但已經唔太記得現場環境。要等下次再去影多幾張相記錄一下。

見到柏架山波波了~

頂，跟住仲要再穿吓林。

Yeah，終於上到嚟。見埋枝測量柱就安落晒。

咁高興影番張selfy先啦~

之後沿住山徑就可以行返去大波波。

好，影完大波波過隔離影細波波。

細波旁邊小徑掛咗好多彿教嘅布幡。

影晒兩個波安落了，跟住落大風坳。

轉個頭又落到嚟。

呢期比較窮冇錢開飯，午餐只可以靠一包過期手信?。(我要食10包!)

尾段揀條易行嘅，落大潭水塘。

繼續直去。

到水塘了，做乜事啲水會咁黃嘅？

Hi~靚女~一個人行山嗎？(痴漢上身+幻想mode)

過完水壩轉右。

再由古跡橋過對面，經大潭西引水道接去衛徑１，然後再落去淺水灣坳。.

行到尾先至見到大潭西引水道個牌。

呢個係大潭中水塘。

行到嚟衛徑，轉左落去。

嚟到淺水灣坳，跟住要去下一個目標淺水灣。

目標清晰，起動~

喺呢條小徑行落去

落淺水灣嘅小徑冇枝路，跟住行就得了。

呢座咁鬼大又咁靚，係國際學校嚟。

到淺水灣了～

一場嚟到，去天后廟行個轉影張相先。

唔想迫巴士，又冇錢座的士。咁唯有行遠少少出去座地鐵啦。

行吓行吓就嚟到深水灣。

離遠望到海洋公園啲纜車。

臨尾再上多條長樓梯。。。

海洋公園新嘅酒店。

嚟到海洋公園站，今日行程完滿結束，座車出市區開飯~

路線記錄