話說同事嗰架砌來砌去都仲未砌完嘅車又有新要求，原來佢車尾嗰枝疑似快拆嘅軸芯係直接擰上車架上面，唔係好似 RB 快拆咁用活動槓桿加絲母夾實。真係唔明點解佢個設計會咁奇怪，絕對係一個有快拆外形但冇功能嘅怪雞。由於尾位冇絲母，尾軸冇嘢突出嚟就冇地方可以夾實固定，咁就用唔到車尾架。為咗解決呢個問題，我就幫佢做一粒冬菇仔，等佢安好個後轆之後就咁插入去枝車軸入面。咁就即時好似多咗粒絲母一樣可以夾上車架到了。
材料次次都係 6061，靚料嚟～
靚料特別好車
一邊完成了，吉出嚟修靚另就邊就完成
攪掂，呢粒冬菇插入去枝輪軸芯就可以將原本平嘅軸尾變成好似有粒凸出嚟嘅絲母一樣。咁架車就可以夾上車尾架了，得咗～
發表迴響