年初三無嘢好做又去行吓山，今日去試吓啲未行過嘅地方。先座車去沙田上萬佛寺，再行過道風山睇十字架。然後經草山再落去鉛礦坳返大埔，後來見時間尚早又上返山再行多一小段衛徑去太和。消磨咗悶到抽筋嘅一日。
路線：萬佛寺>道風山>麥理浩徑第7段>草山>鉛鑛坳>衛奕信徑第7段>元墩下>衛奕信徑第8段>太和
全長：18.6 km
時間：5小時17分
座火車去到沙田，再由B出口出閘。
之後轉左直行再落地面。
跟住又再直行，今日超多人嚟萬佛寺，跟住行就冇死?。
喺呢個路口轉入去，之後大致上係跟住一條路行。沿路都有指示牌嘅。
認住呢間屋，跟住就轉右。
之後係咁上樓梯。。。。沿樓梯兩旁開始見到好多神像。
上到嚟第一樣見到嘅就係呢座萬佛塔。係地標景點嚟架~
原來呢座塔以前印過喺獅子銀行嘅紅3?上面架喎，唔怪得之有少少熟口熟面啦。
四四方方呢個係正殿萬佛堂，入面四幅墻都放滿佛像，幾壯觀嘅。不過殿入面唔比影相，冇得帶走相片了。
原來除咗佛殿，呢到仲有商店。作為第一次嚟萬佛寺嘅港燦，真係有啲想買啲紀念品返屋企?。
佛寺入面仲有其他羅漢同觀音像，不過實在太多人，影唔到相。
參觀完萬佛寺落山，喺先前上山嘅路口旁邊，跟住道榮園指示牌行。
個綠色牌遠遠都見到。
繼續照指示轉右。
經過一間好殘舊嘅爛屋，淨係見到個苑字。
沿爛屋旁邊繼續行。
嚟到呢個路口就轉左。唔好繼續跟道榮園個牌行。
由呢條樓梯行上去。
上到嚟紫霞園，跟住轉左沿石墻行。
跟住係一段都幾僻靜嘅小徑。
越嚟越僻靜?。
似乎就嚟到出口了。
喺圍板旁邊嘅窄路行出去。
出到嚟道風山路，見到寫住神學院嘅大石。應該冇去錯地方喇~
繼續沿路行，四維都冇乜人好清靜。
有地圖指示喎，即刻睇吓個十字架喺邊先。
呢到好靚，好似去咗古裝場景咁。估唔到咁中式嘅建築入面係西方神學嘅研究院。
跟住行咗去呢個咁特別嘅迷宮，有啲教友喺入面行梗。
其實鏡頭外仲有一個牌寫住營友祈禱同靜思用嘅，要靜啲?。
呢座係聖殿，我會用小教堂嚟形容佢。
睇完呢個牌就清楚晒了。
跟住去參觀十字架，照住指示牌行就得。
一段窄樓梯通去一個窄門廊，幾特別喎。
道風山地標十字架。
Set 個 osmo 影嘢時發現有一個唔多起眼嘅告示。
回程時好奇行咗去呢個叫昇天屋嘅地方，原來係個營舍嚟。冇乜特別嘢睇。
參觀完神學院就繼續今日行程，沿道風山道上山。
有個指示牌去友愛邨喎，睇完嘢其實係可以由呢到撤退。不過啱啱先開始行山，冇理由咁快諗住走人嘅。
嚟到路口，繼續直去。
指示充足包冇錯。
沿路指示好充足，只要跟住去麥理浩徑嘅方向行就得了。
靠左繼續上
嘩，山邊啲草燒晒。
繼續直去。
依～前面就係麥徑了。
跟住係先去鉛鑛坳，之後再經衛返大埔。
其實今次係我呢隻行山小學雞第一次行草山。
照咁睇，都應該係轉右喇。
原來上草山只係需要行斜路，算係易行喎。唔覺唔覺就到了
轉右之後仲要行多一少段斜路。
草山山頂枝測量柱，企咗好耐先等到啲人走晒。
呢兩舊大石似乎比枝測量柱吸引得多，影佢仲好。
起程落去鉛鑛坳。
一個 U-turn 屈落去。
好快就見到熟口熟面鉛鑛坳。
好，跟住就係衛徑７落大埔。
查實我幾鐘意由鉛鑛坳落去元墩下呢段衛徑，因為跑落去真係好爽。
到了
落咗山又咁好天，吹漲。
時間太早，一於行多少少去埋太和。
呢段衛徑只係好耐之前行過一兩次，已經唔認得路了。搵咗一陣先搵到個入口。
隱約記得之前行過嘅路。。。
見到指示牌就掂晒。
又開始上山了。
行到嚟呢到有個大平台，應該係整嚟方便啲車喺到掉頭。
呢到有一個好特別嘅設施，有個窿中間好明顯係用嚟放水嘅。
跟住沿車路行。
行到嚟呢個路口，繼續直去。
W095，另一邊條路係入蓮澳嘅。路口有舊大石頭寫住蓮澳兩個字。
跟住照指示牌向大埔墟方向繼續直行。
冇耐就經過呢間屋，見有人拖住幾隻狗入去，入面傳嚟好多狗吠聲。
再行前少少見到泊咗幾架車，先至知道呢到係救狗之家，想知多啲就自己上網睇吓。
沿路有好多人拖住啲狗狗散步，估計佢哋都係義工嚟嘅。過年過節都嚟帶啲狗狗散步，真係唔話得。如果有興趣做義工，可以去救狗之家個官網伸請。
繼續沿住石蓮路行落去。
終於嚟到熟口熟面嘅太和。
今日行完，經商場去太和站。
路線記錄
Total climbing: 1177 m
Total time: 05:16:50
發表迴響