年初四運吉

成個新年假期日日都唔好天，拎住隻飛機出街真係日日運吉。嚟到年初四，決定搵個實體吉嚟運下！呢個吉係新鮮係年宵市場買嘅，仲要係空運㖭~

雖然係遲咗少少，但未過元宵都仲可以拜年。抬咁多嘢攪一大輪影張相，今次夠晒誠意啦呱。

注意：外加配件雜物有一定危險性，亦會嚴重影響航拍機平衡同操控。配件飛脫打中螺旋槳可能會即時墮機，外加物遇強風可能會令機身過度擺動(摩打會停！) ﹐可以好危險。千萬唔可以喺附近有人嘅地方試。喺海邊試有乜意外最多都係冇咗隻飛機，唔會整到人。安全第一(唔試最安全) 。