今次去日本撞啱叮噹未來百貨開張，都算係幾好彩。可惜我冇喺佢第一日開業就即刻嚟，結果好多限定嘅商品都比人掃走晒。不過無所謂啦，限定商品係日本慣用嘅營銷手法，買唔到今次嘅限定唯有買第時再新出嗰啲限定商品囉。叮噹嘢邊到有可能買得晒，有間未來百貨喺到實在係唔需要擔心。以後去日本都要落一落台場了。

商場為咗配合未來百貨開業攪咗個活動，入面啲柱全部貼滿晒叮噹。

兩兄妹座埋一齊，較果又幾好喎。

未行入去己經見到好鬼多人，有趣嘅係幾乎全部都係成年人，甚至係中坑。叮噹培住好多人成長，呢班人到大咗之後唔單止冇忘記呢個童年朋友，仲會好熱衷咁去買佢嘅新產品(是咪講梗我自己）

今日嚟嘅首要目標係要買百貨公司開幕嘅特別版金幣，似乎反應太過熱烈，自動售賣機入面啲金幣差唔多比人清晒，連部機都封埋?。

嗚～我好想要呀～

買唔到金幣，就迫入去睇吓有啲乜嘢。呢啲鑰扣同磁石全部都係MIJ，做得好靚。價錢仲唔算貴，問題係買咗返去只會收理唔拎出嚟用，收吓收吓又係連會自己買過唔記得架喇，都係唔買了。

仲有好多林林嬸嬸嘢，日用品呀咁。其實又唔係好特別，只係印喺上面嘅叮噹好得意囉。不過對叮噹粉嚟講淨係呢樣已經可以係買嘅理由啦~

毛巾係少數有實際用途，而我買咗又會攞嚟用嘅嘢。正因為咁，己經買埋買埋唔少了，所以今次唔可以再買。

吖，呢個做形第一次見，幾cute喎。

Tee係另一樣我會狂買嘅嘢，可惜大人嘅size己經比人掃晒，淨得啲童裝。見到呢件Tee，我第一時間就諗起早排好紅嘅”為所欲為Tee～”(叮噹聲)

之前好想買嘅叮噹杯，家陣見到實物又覺得佢細咗少少，都係唔買了。

板仔叮噹，好想買，好想買。。。

好攪笑，下面露出咗佢嘅招牌笑容。

呢隻幾得意，不過加個咁嘅鐘上去個感覺怪怪。如果佢唔加個鐘做細隻啲，全卡通嘅我一定會買。

豆沙包同花花都好可愛，可惜兩款都冇晒貨了。

其實成間店入面真正貼合主題嘅就只有呢個貨架上面嘅四款公仔。所以應該改名做叮噹尊門店，或者叫叮噹粉捐血站都得。

睇吓睇吓，原來貨架下面都有叮噹架喎。

呢個郵筒真係可以用嚟寄名信片嘅，仲可以揀即刻寄出，或者係之後指定嘅未來月分寄出。咁我係咪應該都寄一張，恥笑一吓未來見到張月結單嘅自己呢？買得咁過癮吖拿。。。?

登～登～登～櫈～未來百貨開幕金幣。唔知係咪因為啲水貨客太瘋狂，定係啲機入完轉個頭又清晒太麻煩，總之就係門口啲售賣機全部停晒。如果唔問店員，就買唔到架喇。

放完晒血，去另一邊睇吓人玩遊戲。查實啲金幣係玩遊嘅代幣嚟嘅，我估應該十個有九個買幣嘅都唔係諗住要嚟玩遊戲囉。

啲遊戲本來係設計嚟比啲細路仔玩，對大人嚟講當然係平平無奇。不過呢個用倍增液嚟做主題嘅就吸引到成年人嚟玩。其實都只係要喺啲豆沙包一變二二變四填滿間房之前清得幾多得幾多，當中最過癮係到時間差唔多完嘅晒候，突然會有好多實體豆沙包由頭頂飛出嚟。工作人員會提醒玩家話一地都係豆沙包，拎個籃出嚟幫手執。如果之前冇睇過，自己身處其中有咁嘅衝擊應該會開心。

好，行完百貨公司，跟住去行vanguard先?