延續 part2 行程，由小馬山衛奕信徑出嚟接港島徑(其實係兩徑重疊路線)去陽明山莊，再行市區路段上山頂。係易行得嚟又有成功感嘅路線，因為話晒都叫做行上山頂吖嘛?。
路線：天后>天后古廟>蓮花宮>勵德邨>虎豹別墅>金都馳馬徑>紅香日爐峰>小馬山>渣甸山>陽明山莊>布力徑>甘道>白加道>山頂廣場>山頂公園>山頂廣場>白加道>舊山頂道>香雪道>干德道>登山電梯>中環
由小馬山落嚟接港島徑，向陽明山莊進發。
冇耐就經過礦場(靶場)。
繼續行嚟到呢個分岔路口，左邊上樓梯係正式山徑經渣甸山去陽明山莊，右邊係引水道(其中一節叫懸空棧道) 接小徑去陽明。今日行都夠小徑了，一於行正路啦，上~
每次行呢段樓梯上嚟都總係會覺得好辛苦，要借勢影吓相休息吓。順便影吓呢個昔日嘅礦場。
好L辛苦終於行到嚟渣甸山山頂，見到枝標。
行出去觀景台望吓下一個要去嘅地方，望落好似好遠，其實行吓行吓又好快到。
繼續沿港島徑落山，好快就會落到去到陽明山莊。
經過紀念碑又影張相先。
嚟到港島徑第5段嘅陽明山莊，之後第4段係沿大潭水塘道落去接布力徑。
跟住落嚟條布力徑係超易行嘅市區路段。
沿著水塘道旁嘅行人路落斜。
一直行到落嚟黃泥涌水塘。
嘩，今日水塘水浸喎。
繼續沿水塘道落，經過呢個只可以離遠隔住鐵絲網嚟睇嘅水務古蹟。
再沿大潭水塘道一直行落去。
落到嚟路口過馬路再轉左，行前啲再轉番右就係布力徑入口。
跟住落嚟係要行晒條布力徑。
經過聶高信山見到有好多人喺上面。
反而條布力徑就冇乜人行，可能係啲人全部都爬晒上去聶高信山?。
行到嚟涼亭就繼續向前行，唔跟港島徑路線轉左落香港仔。雖然跟港島徑最後都會去山頂，不過就兜遠好多。
布力徑行到尾出嚟就係灣仔峽，前面直望嗰條就係甘道。
過馬路之後就沿斜路上去，行晒呢條短短嘅條甘道。
甘道盡頭係山頂道，出到路口轉左。
再沿山頂道行多一陣就會見到白加道入口。
跟住轉入去白加道一直行到尾。
行到白加道尾係白加道纜車站，轉個灣上去就係山頂廣場。
今日纜車好旺場喎，排晒大隊。
跟住就要上去山頂公園。
大約行15分鐘就上到嚟。
上到山頂公園第一時間行出去觀景台睇吓嘢先。
今日比較多雲有啲灰朦朦，不過就算有太陽呢個時間都係背光㗎喇，呢個鐘數點都唔會影得清。
一場嚟到，梗係要整番枝補吓奶力先啦?。飲完之後就可以落山了。
轉個頭又返到嚟山頂廣場。
跟住行去纜車站旁邊嘅芬梨徑，呢到可以睇到纜車，又係落中環同灣仔嘅路口。
如果唔趕時間嘅話可以企喺到等，等到佢開車影張招牌相先至走。如果影完就即刻起程，行到去白加道站等一陣就會見到由山腳上嚟嘅纜車，時間啱啱好架喎??(試過好多次)。
話咁快就落到嚟白加道站，順道入去影吓相。
冇耐就纜車上嚟，影埋佢就走人喇。
離開白加道站喺出口旁邊嘅斜路行落去。
好~ 跟住就係沿舊山頂道落返去中環。
又影吓個維多利亞城界碑先，古蹟嚟㗎。
之後繼續沿舊山頂道穿過啲豪宅落去。
行人路去到前面轉灣位有樓梯繼續落。
落埋幾級樓梯之後跟住就轉左，沿香雪道一路行。
行到尾就係干德道，路口有斑馬線可以過馬路。
過斑馬線之後繼續沿行人路直去。
之後嚟到登山電梯嘅入口(呢個時間係出口)﹐再沿電梯旁嘅樓梯落中環。由於登山電梯段路要經過高好多樓大廈，個 GPS 會跳到癲晒完全冇參考價值。所以行到嚟呢度就會停錶。
沿登山電梯路線一直行到返嚟大館，原來夜晚開咗燈又幾靚喎。
終於嚟到今日行程嘅終點 donki 了，好似多人喎，先我又去湧埋一份先。
嘩頂~~ 多人到咁。真係排隊排到轉晒角，龍尾喺邊都唔覺。之前嚟兩次都未開，第三次嚟開咗又入唔到，我決定以後都唔會再諗行完山行donki 呢類走線???。
路線記錄
Total climbing: 1934 m
Total time: 06:45:04
發表迴響