今日想試吓去皇后山嘅印度廟參觀同影相，但又唔識得點座車去?﹐唯有搭埋啲自己識得嘅山路行過去。順便加多一少段未去過嘅郊遊徑試吓。最後經龍躍頭行返去粉嶺，比起之前行到爛晒嘅路段，今行程都叫有少少新意。之後應該會早啲出發再去行多一次，用多啲時間嚟影吓相。
路線：太和站>大埔頭>九龍坑山>流水响郊遊徑>龍山橋>流水响水塘>鶴藪道>流水响道>布格仔路>皇后山軍營印度廟>布格仔路>龍躍頭>沙田角公路>粉嶺站
全長：17.73km
時間：4小時20分
有咗之前喺商場行錯路嘅經驗之後，今次再嚟太和好順利就落到去巴士站，再行出嚟路軌旁邊出發。至於之前因為維修工程嘅出口，仍然係封梗。
行大約10分鐘就嚟到山徑入口，開始上山。
一月呢到附近啲炮仗花開得好靚，不過附近同時有唔少山墳所以適合影相嘅角道唔係太多。嚟現場睇會靚啲。
鏡頭一轉就嚟到九龍坑山嘅招牌景點。
由入口大約行咗1粒鐘就上到嚟九龍坑山山頂。
其實今日目標除咗印度廟之外，就係想試吓啲未行過嘅路。上嚟山頂只係屬於過路性質冇乜嘢好睇，跟手就落山。
每次由九龍坑山落嚟都會轉右(跟衛徑)直接落鶴藪，今次試吓轉左(跟郊遊徑) 直接落去流水响。
條路又幾靚喎，仲要係冇人行。
一直行到嚟呢個路口(郊區地圖話呢到叫桔仔山坳)，轉右去流水响。 另外嗰兩條睇地圖話直去可以上龍山，轉左就去穚頭。兩條都有興趣試吓，遲啲要再嚟過先得。
今日就先跟指示牌去流水响。
喺路口旁邊有地圖，主要係標示番郊遊徑嘅路線。如果自已冇帶郊區地圖就唔好諗住靠睇呢啲地圖板去行啲標示以外嘅路喇。
原來呢到有燒烤場喎，不過家陣全部封晒。
行行吓見到啲整得好靚嘅石欄杆喎。
哦~原來到咗龍山橋。
估唔到荒山嘢嶺有條龍山橋，仲幾靚架喎~(其實呢度係郊遊徑整得靚又有乜出奇?)
跟指示牌方向繼續行出去流水响。
嚟到流水响，第一樣比較搶眼嘅就係呢幾棵樹。
其實淨係喺流水响呢度影相都夠玩半日，不過行山經過就唔會停低太耐嚟影相。
望吓地圖板，啱啱由九龍坑山經咗C2204~C2208 行到落嚟。
影埋最後呢張就離開水塘了。
嘩~排隊座小巴嘅人多到黐線，好彩唔關我事?。
開始今日重點，試吓行去印度廟。其實未試過亦唔知可唔可行，只係喺地圖上睇過流水响距離皇后山唔係太遠，中間又有路連接所以就嚟試吓行唔行到。大不了可以返嚟座小巴走。
由迴旋處出嚟嘅路有斷斷續續嘅行人路，加上呢度交通唔算繁忙，可以照行。如果覺得喺馬路邊行驚危險就唔好試了。
又有一段行人路。
一直沿馬路邊行，嚟到見到左邊布格仔嘅呢個路口就轉入去。
跟住就沿路行多一段。
目的地就喺前要嗰兩座樓附近。
嚟到呢個路口就轉右。
跟住行入去。
行到尾轉左。
咁啱有人行出嚟，原來係要經欄杆外面行。呢到都算熱門地點，有好多山友同影友會嚟。見到其他人出出入口就知應該冇行錯。
一邊封住咗，另一邊就有路去。
由呢度入去。
入嚟之後大致上都係一條路跟住行就得了。
行行吓見到個塔喎。
到步了，間廟真係幾特別喎。
墻身有個牌講呢座印度廟嘅資料，佢係三級歷史建築嚟。
呢座外形咁特別嘅廟肯定係香港獨一無二嘅建築。
由於廟入面太”迫人”﹐先四維行吓睇睇。喺廟旁邊有間屋仔，唔知會唔會係以前嘅宿舍嚟呢？
個個嚟到都打咭，咁我又打個咭先。
廟入面好特別，估計天花板嘅設計可能都有啲宗教含意都唔定。
陽光由窗口射入嚟好靚。
話說呢位師兄對攝影好有研究，不停地指點同行嘅朋友應該點樣貼實個地低炒嚟影。攪咗好耐都仲影梗，等得唔耐煩唯有走人。
返到出嚟繼續沿布格仔路行去龍躍頭。
行吓行吓去到龍山寺附近，諗住轉埋入寺行吓。點知見到遠處有隻狗走出嚟，唔太肯定係咪寺養嘅食蕉。諗落時間咁晏正常都冇人入寺，行到去都可能閂咗。都係唔搏了。
呢度附近啲路踩單車就踩過，用腳行都係第一次。其實附近都有幾多嘢睇，第時有機會要早啲嚟慢慢兜吓。
行吓行吓嚟到祠堂村。
呢間屋外形好特別喎。
兜過嚟正面望吓，原來呢到係祠堂嚟。叫松嶺山鄧公祠。都係法定古蹟嚟架喎。
跟住嚟到老圍，呢度係打咭熱點嚟架。
呢個鐘數冇人同我爭，可以慢慢影吓相。
附近仲有其他景點，不過就嚟天黑都唔會有嘢睇，都係走人好啲。
沙頭角公路，一路直行就係粉嶺。
最後行到嚟粉嶺站，結束今日行程。
路線記錄
Total climbing: 829 m
Total time: 04:20:13
發表迴響