戴住口罩去行山 — 昂坪棧道行個圏 – 大熱天時睇紅葉

經常行棧道當做運動，最近天氣轉熱啲小動物又開始出晒嚟。今日比我見條鬼咁大嘅蜥蜴喺路邊棵樹上面抖涼，佢見到人不但止冇即時閃，仲任得我影。後來佢仲要好攪笑咁”開後波”慢慢由樹上面爬落地面，然後再返入草叢。今日行程即時變得精彩😄。

雖然未至到夏天，但都勉強可以用大熱天時嚟形容依家嘅天氣。最黐線係天冷時綠油油嘅樹葉到天氣轉熱時先至變紅，真係唔知佢乜L嘢構做。Anyway﹐望落靚就得啦。感覺有啲啲似去咗高尾山添(幻想ing) 🤣﹐現場睇真係幾靚嘅。呢到應該好快會成為打咭熱點。

沿路都仲有好幾個地方有紅葉睇。棧道真係越嚟越精彩，春天有吊鐘同櫻花睇，夏天就多小動物，到秋天多人行又多囡睇🤪﹐到冬天又可以跑吓鍛鍊身體。真係一年四季都有嚟行山嘅理由😆。