今日諗住行啲短線去啲新地方，試吓嗰條早排好熱門嘅海洋公園救援徑。斷估隔咗咁耐要一窩蜂去打咭啲人應該都去過晒，希望會平靜啲唔太迫人。其實救援徑位置上同南朗山山頂差唔多，路程又比較短，想行個短山(真係好短)得嚟又有靚風景呢度係個唔錯嘅選擇。

全長：1.69km
時間：44分鐘

慣咗由C出口站，諗住轉個灣就到。實際當然唔係啦，唔好學我咁笨實由C出口出站。

超級戇居，出錯出口左兜右兜行咗啲冤枉路。其實出去海洋公園(B出口)再落嚟巴士站就最簡單直接。

一直行到馬路尾，繼續直去。

沿呢條路行入去，睇地圖話呢條叫做海洋公園道，係一直通去啲超級豪宅嘅。

行咗一陣就見到吊車，再行前啲就會見到上山嘅樓梯口。

右邊呢條樓梯就係救援徑嘅入口。

如果唔係之前?拆穿，呢條開放比公眾嘅路段應該已經比海洋公園私有化咗了。

呢啲樓梯算係好好行，如果同360相比可以話係濕濕碎。

依？啲小黃花好靚喎。

再行多陣開始有嘢睇，除咗海洋公園仲可以見晒成日大浪灣。

第一次用呢個角度嚟影啲吊車，雖然冇乜嘢特別，不過自己未去過嘅地方都值得影吓。

沿路見有啲分岔路，有個牌話唔比行。咁就乖乖哋繼續上。

有樓梯上去，估計應該係可以連接小徑上去南朗山頂。不過今日冇諗住要試，遲啲再諗吓。

呢度係公眾路段嘅盡頭，冇得再去了。

其實呢個高度已經好足夠，有個好靚嘅海景。喺呢度吹吓風hea吓夠晒舒服☺。

影飽相轉個頭就返到落嚟山腳嘅入口，可以收工去下一站了。

行返嚟地鐵站，準備開始下半場行程。

 

路線記錄

Total distance: 1929 m
Total climbing: 175 m
Total time: 00:44:18
Download file: opark_gpx_2021-10-17_1143.gpx