話說呢個山季朋友突然好熱衷行山，話搵埋我一齊一個月內就行晒4條”考牌路線”。我梗係啋佢都傻啦，因為除咗狗牙嶺另外嗰三條我都冇乜興趣，但狗牙就一直都想去試吓。於是約埋條粉腸三牙全走，結果發現呢啲爛地跳崖路的確唔係我杯茶(即係自已廢啦)，最終要用龜速嚟完成。激氣仲要全程比個粉人放星，到有機會報仇時佢又話要落伯公坳座巴士?。。。
路線：石壁水塘>石壁郊遊徑>西狗牙>東狗牙>石壁郊遊徑>中狗牙>斬柴坳>鳯凰山>伯公坳
全長：16.42km
時間：6小時59分
座巴士入到石壁水塘出發，一落車就望到陣間要行上去嘅狗牙嶺。
車上差不多全部人都係喺呢到落車，向住同一個方行。咁即係全部都係嚟行山，不過係咪全部都諗住上狗牙就唔知喇。
沿嶼南道行咗一陣見到個路口就轉入去。
跟住就入去塘福引水道。
呢到就係石壁郊遊徑嘅入口，旁邊有班山友喺到拉梗筋嘅山友，段估都應該係準備上狗牙喇。
好喇，正式出發。
行咗冇耐就嚟到呢條長樓梯，都應該算係一個地標嚟。個個行到嚟都會先影一影佢。
再行多差唔多25分鐘就見到石壁水塘，因為仲未夠高只係睇到一部分。
鏡頭一轉嚟到西狗牙嶺嘅入口，今日就係同呢條粉皮一齊行山喇。條友唔知係咪食咗禁藥，全程比佢放晒星。之前一齊行山都係我折磨佢，今日掉返轉，真係報應?。
為咗唔好比佢拋離得太遠，想話停低影吓相都唔得。
一個又一個，個個都又尖又斜。叫狗牙嶺真係幾貼切。
難得有啲平地，好多人喺到休息，仲有人放航拍機。可借我要”趕路”。跟住就要轉過去東狗牙落山。
依？明明係話要落山，點解落落吓又要上嘅？因為要再上高啲再斜啲先至落吖嘛?。
終於返到落嚟引水道，落攰過上好多。
又落返嚟塘福引水道，跟住就轉右一路行返去郊遊徑入口。
又沿引水道行返轉頭去今朝開始上山個入口。
返到嚟石壁郊遊徑入口，從新出發上去中狗牙嶺。
今日第二次上同一段樓梯。
今次行一少段石壁郊遊徑
依？有枝標喎。睇地圖呢到係三牙之中唯一一個有測量柱嘅地方，標高有428米。 (可能係因為其他地方冇位整?)。
除咗枝正常都測量柱，仲有枝可能係早期嘅測量柱。
距離鳯頂仲有好遠喎，仲有排行。
行到攰又擰轉頭影張相先，呢到又確係幾靚嘅。
前面條粉腸自已唔影相就完全唔理想影相嘅隊友?﹐遲啲有機會我一定十倍奉還?。
就嚟又返到上去一線生機。
一線生機，估計有唔少山友嚟狗牙嶺就係為咗嚟呢度打咭。
擰返轉頭望吓，都真係幾鬼靚。
差唔多到鳯頂，呢個高度終於都可以望到晒成日水塘。
終於都上到嚟山頂，可以休息一吓了。
山頂個牌點都要影一影嘅。
正當我諗住話落昂坪，條粉腸似乎已經知道晒我嘅計劃，一個箭步就閃咗去落伯公坳嘅樓梯?。
落到嚟伯公坳了。
條粉腸把口話攰，但又可以過晒其他落梗山嘅山友第一個嚟到座。真攰定假攰好明顯啦?。
總結今日行程比預期辛苦，16公里嘅路其實唔算長，問題只係自已唔慣行(爬) 呢啲路。好多時都要手腳並用，攪到連相都影唔到。如果第時再去(應該都係會約同一條粉腸) 可能要著對好啲嘅行山鞋。
路線記錄
Total climbing: 1638 m
Total time: 06:58:30
發表迴響