有時啲嘢就係挑起條筋就停唔到，上次批完條肥蜥蜴之後覺得佢有啲寂寞，於是決定幫佢做個朋友出嚟。至於點解蜘蛛會係蜥蜴嘅 fd?其實冇乜根據，完全係忽然閃出嚟嘅 idea ?
一開始梗係要畫個 outline 出嚟先啦。同一塊海綿，批咗一條魚，一條蜥蝪，家陣再多一隻蜘蛛。塊海綿仲有位剩可以做多一樣嘢，不過暫時冇乜靈感
今次最難做嘅部分係一開始 cut 個外形出嚟，因為啲腳同塊刀片一樣咁濶，好難轉灣同落刀
外形 cut 咗出嚟了，有啲似隻蟹
先做好個波波身
之後就開始執靚啲腳
批嘢同煎嘢一樣，唔可以上面做到差唔多就反轉做個底
有少少後悔做得個底太 detail，卡通化除咗改變比例之外，適當嘅省略可以另公仔睇起嚟更加得意。功力未夠掌握唔到
蜘蛛身完成了，其實以蜘蛛嘅形狀真係好難可以做得cute，亦有可能係我技術唔夠
眼睛係用剩餘物資嚟做，如果每次用白海綿都只係整眼，應該整多Ｎ咁多隻都未用得完。
試一試位先，加對大眼即時 cute 番少少。可以繼續了
黐埋兩粒 fiber 介子，加兩隻牙就大功告成。大細超加對上下眼感覺夠晒痴線，我鍾意。下次係咪要整埋痴線蜘蛛絲同樹枝呢？?
查實喺現實世界，當蜘蛛見到蜥蝪係咪應該會雞咁腳走呢？
發表迴響