話說上星期行山時見到一條肥蜥蜴，忽然就黐起條筋想批下海綿。整番一條Q版出嚟玩下。
材料仍然係用早前由電腦部執返嚟嘅海綿，開始時先喺上面粗略畫一個外形。。。
然後就用刀片沿線 cut，話咁快個 outline 就做好
開完粗皮就己經成條蜥蜴形狀出咗嚟
跟住就要執番圓個身，呢個都幾花時間同心機
喺屋企攪咗一晚整到八八九九了，再執整埋四隻腳就差唔多完成
跟住再掘番之前整熊貓仔時用淨嘅白色海綿出嚟做兩隻眼。啲白海綿有啲似蘋果，批咗出嚟放一段時間就會自動變黃。所以今次呢條蜥蝪唔會有明亮嘅眼睛?
眼珠位置對成品有好大影響，作為一個低能仔，我比效喜歡上下眼。咁睇起嚟個樣會傻啲
完成了，習慣會將成品放番落去源材料到影張相。仲可以用嚟當係原裝 packing。批完 packing 綿再用packing 綿 pack packing 綿
如果每次行山見到得意嘢之後都批番隻海綿公仔會幾過癮，不過恐怕我冇咁嘅能力同時間囉～
發表迴響