今晚唔知點解突然想向難度挑戰, 試試做一部有豆腐刀的相機. 點解話難係因為塊豆腐刀厚度薄, 實在好難可以做出一個 0.2mm 坑道比佢, 材料仲要係鋁!
講開又講, 查實各大廠家都係買個寶麗來片盒返來然後做一個適合自己用的mount, 家陣我有片盒, 豆腐刀, 同一塊將會變成我自製相機的爛鬼鋁板 ‘mount’
不過咁… 自從有部風車鋸之後, 好多不可能事都變成有可能了. 不正確使用風車鋸的我用左好耐夾硬鋸出左好多坑. 成唔成功就要等我做好晒其他部份先有得試了. 🙂
由於時間關係, 先前已經做左一部份機身又出現了.
攪掂. 靚仔晒.
初步試位ok了. 可以鑽洞絞牙. M2 夠用了
攪掂, 今日又收工.
發表迴響