換 bb 啤鈴

架車每次用力踩就有聲，初時以為係因為飛輪座入面粒啤鈴爛咗。可惜最後怪聲問題冇因為換座而解決，唯有縮窄範圍再次去 check 下個 BB。

其實早前都 check 過個 BB 有冇出現轉得唔順嘅情況，不過 shimano 個 BB 本來就係轉得唔順，所以唔覺得有問題。今次再檢查就將個爛鬼 BB 膠蓋拆走，試直接轉下個啤鈴，發現唔暢順之餘間中會有被卡住嘅感覺。既然係咁就一於唔理關唔關事，換咗先算。

其實自己對 BB 結構認識唔多(如果唔係一早就知個爛鬼膠蓋可以拆出嚟)，又唔知道個啤鈴係乜野 size，上網又搵唔到料，為咗控制風險唯有先拆左邊個 BB 出來試下招。本來諗住反轉個 BB cup 就可以搵碌棍打出來，點知個 BB 杯有一條同個啤鈴內圈一樣大嘅斜邊阻鬼住，唔可以直接撞擊內圏。要諗再方法去拆(估計呢個設計係為咗方便軸心由另一邊插入時唔會將爛膠蓋撞出)。

其實如果有尊門拆啤鈴嘅工具就冇問題，但係呢類唔常用嘅工具又唔多想買，加上我心急，於是又同佢”上床”了😂

解決方法其實好簡單，只要少少地剷佢幾刀就可以有足夠空位比我用枝大棍打粒啤鈴出來

攪掂，原來喺個啤鈴後面印咗個形號 – 6805-RD。不過為安全計，梗係再用卡尺度下佢啦

起初以為形號只係個別廠商獨有，上網查下資料發現原來某程度上係有統一標準嘅。正如呢粒不知名嘅同 6805 enduro 廠嘅 6805 大細係一樣，不過佢就衰衰格格咁薄咗1mm。所以如果要換 zero 啤鈴，記住買6805N。有興趣當通識了解多啲，可以睇下呢個網頁

要留意，一搬廠商係唔會好似呢個特制啤鈴咁喺內圏予留坑位，所以換完新野之後原來嘅爛膠套要用刀將突出來部分削走

個啤鈴邊黐晒膠水，查實就咁打出來都咁實，洗鬼黐膠水咩

BB cup 個底開咗一條幼坑，係用嚟比啲膠水”食實”條邊。真係設計好用料差。成功移除，杯套可以裝上新啤鈴了