今次行程破咗我行山最長時間紀錄,亦係我覺得最攰嘅一次。不過如果以路程同高度差嚟計,其實又唔係咁攞命。本來以為以後都唔會再搵到朋友肯同我一齊去行船灣,不過有啲老友就係你水完佢一次領野之後,隔一排佢又會再受你昆。今次諗住環湖出嘴行大運,不過最後因為準備不足同低估情況失敗收場。當係一次學習經驗,留待下次再完成心願。
Total climbing: 1436 m
Total time: 13:36:26
唔洗多講,出發前 default 餐蛋面
排隊座小巴,勁多人。不過佢地全部係去烏蛟騰嘅
出發前經過碼頭影一張
同朋友講咗今日會係超長途路線,要帶夠水同一日嘢食。結果佢帶咗兩個罐頭嚟
真係要出發了
見到地下呢個圓形就知我地終於行完條水壩
入閘
今日有朋友一齊行,試下行另一條路喺前面轉左
沿呢到出去
原來行到尾冇路,唯有返轉頭
行行下朋友提議由石路撓過去,兩條又再行返轉頭試下
似乎得喎,繼續去
掂,去到小水壩壩底平台
正喎,之前成日都係由壩上面望落嚟,冇諗過會走落嚟影相
行行下發現死魚,唔通係水退時走唔切?但係水塘都會有潮漲潮退咩?可能大到好似船灣呢個咁真係會有都唔定
影完一大輪相要起程了,由呢到上返去壩頂
繼續行程
到山路入口了
嘩,原來已經差唔多11點,遲咗出發了
zoom 埋去影下個山仔先
下面就係老虎芴魚排,今日有長炮可以 zoom 近啲嚟影
依,好似有啲嘢喎
嘩~~估你唔到喎。同朋友講咗遲啲要搵埋佢一齊行落去睇下
認住呢到,C2625
繼續
行咗一餐,終於到咗長牌墩
hea 咗一陣,繼續上路
屎都影?!
咁又繼續囉
啲雲好靚,仲飄得好快
又影下呢個先
今日似乎行得好慢,淨係掛住影相
又要上
就快到鹿湖峒之前有一條小路可以出到嘴,仲可以慳番唔洗上山。朋友聽完即時話好,結果兩條友就轉右試行呢條小路。如果沿大路直去就可以上去鹿湖峒
頭段雜草比較多路唔太清清晰,不過行多陣條路就好易見到
沿路間中有絲帶記號,只要一路都見到絲帶就應該冇行錯
見到對面條路,開始覺得我地揀行呢邊係啱嘅
行行下見到虎門海峽
再望下另一邊,見到往灣洲上面有類似渡假屋物體
往灣洲風景好似唔錯喎
行嚟行去都冇乜靚位休息,決定就地座低開餐醫肚
行咗好耐好耐,過咗好多個山頭,終於見到遠處最後一座山
終於都嚟到第一個地標
朋友其實好夠義氣,比我昆多獲行餐死都冇乜怨言。見我一心諗住出鬼手仲肯同我一齊涯埋最後一段鬼咁斜嘅路落海邊。跟住佢謝咗座定定休息,而我就繼續係海邊行去搵我想見到嘅鬼手岩。可惜係我自己準備不足,天真地(實為戇居)以為一落到海邊就會見到,又唔知道實際位置。當我沿海邊行咗一段路之後就決定放棄,掉頭開始回程。因為唔肯定繼續行落去搵唔搵到,又怕只淨低40%電嘅GPS能唔能夠支持到我地入黑之後回程走完小路返到郊遊徑主路。家陣諗返轉頭,成功同失敗可能就只係差咗最後關頭嘅小小堅持。唯有等下一次再戰鬼手
會合隊友,起程返歸
日落好靚
同隊友繼續行返大尾篤,行行下見到地下有隻青蛙。用燈照住佢佢就定咗喺到,我起初以為佢會好攪笑咁用對手蓋住自己對眼,不過佢冇咁做(失望ing)
黑媽媽乜都睇唔到,但係入黑之後溫度啱啱好,行得舒服咗
攪乜變咗咁,查實因為全黑環境行山開白燈會好棘眼,所以頭燈同手燈都轉開紅色囉
12個鐘頭之後我哋又再返到嚟入口呢個指示牌
經過小水壩時啱啱見到月上,不過四維實在係太黑,除咗個月光同水面少少倒影就乜都見唔到
又再 zoom 到盡,影到呢個燈黃色嘅月亮。冇腳架搵野頂住影,影到都算係咁了,唔好要求太高
本來擔心夜媽媽出到嚟有車座,原來尾班車去到01:30,咁都冇咁驚。等咗一陣就有車,真好彩。今日旅程結束~ 好卵攰呀~
發表迴響