今次又破財買咗一套叮噹扭蛋，好似係第一次見到用擦膠嚟做叮噹，加上做工咁靚真係唔買唔得。打開蛋殼會見到分得整整齊齊嘅部件，包保唔會因為互相磨擦而出現瑕疵👍🏻。今次真係物有所值，特別係唔需要硬食啲閒角😆。

呢套擦膠扭蛋要自己砌，組合步驟好簡單但完成之後又好鬼靚。唯一敗筆係粉紅色連接頭同身嘅部分大細差咗少少，組合之後個頭好容易會跌出嚟(家陣拍鬼片咩😂)。

一見鐘情豆沙包。

傻傻更更做看更。

老友鬼鬼傾密偈。

其實已經習慣見到獨立一個叮噹頭嘅產品，所以就算冇咗個身，只要見到佢圓碌碌嘅叮噹頭就會覺得可愛，一啲違和感都冇。

有三個叮噹頭就梗係要影張串燒三兄第啦，效果唔錯喎😆。

最後影一張正正常常嘅合照收工，之後要入番膠袋。因為個質地好黐污糟嘢，摸多幾摸就會黑晒。第日先再間中攞出嚟欣賞啦。