呢個9月真係唔知發生咗乜嘢事，嚟到最後一日都仲要破財買叮噹嘢。好在每次都係笑住嚟比錢😄﹐冇所謂啦，今個月係叮噹生日(都係最近先知)﹐買多啲叮噹都好正常。今次呢盒係入門版叮噹模形，淨係個咁靚嘅個已經值得收藏了。盒面寫住適合3歲以上嘅人砌，咁以我嘅智力好有信心可以挑戰成功🤣。
開箱~ 其實盒盒模形都係咁上下啦，唔會有乜嘢特別。
一包部品加一分說明書。
分說明書印得好靚喎😍，一定要留番佢。
好耐冇砌過模形，原來家陣已經咁先進唔同顏色嘅膠可以混埋喺同一塊啤出嚟。
好喇，開始砌之前影張部品全體相先。
話咁快就完成咗隻叮噹了😃﹐呢套模形設計係唔需要用膠水，更唔需要上色。一砌起就已經係一隻完美嘅成品，唯獨對眼如果要轉款就需要黐貼紙，即時影響晒個感覺。都係就咁用正常眼算了。
同個架放埋一齊影張先，幾靚~
發表迴響