天氣日日都咁熱，最好就係有把隨身風扇涼吓。但係萬一冇電又點算？唔駛驚，有把叮噹手搖風扇就冇問題喇，攪住就有風，唔攪就絕對唔會有風，直頭係勁過太陽能電筒🤣。

話說有日放假去多迷館睇嘢，比我見到超可愛嘅手搖風扇，價錢仲要唔貴😍。可惜有好幾隻都因為啲人睇完冇小心放好，叮噹撞叮噹嘅情況之下撞到塊面同個身都花咗🥲。最後左揀右揀比我揀到兩靚仔隻帶返屋企😄。

喺頭後面嘅”攪手”。

真係cute到震🥰。

通常啲玩具風扇都係得個樣唔多實際，不過呢隻叮噹吹起嚟都有啲風，可以接受喎。本來諗住一隻要嚟收藏，一隻攞嚟用。不過諗落攪吓攪吓應該好快會滑牙，都係兩隻都用晒嚟收藏好啲😄。