今次日本之旅本來冇 plan 要去睇相機博物館,如果唔係行相機鋪時見到張 poster 根本唔會知有呢個地方。反正天陰落雨冇得影相,就決定去睇睇。呢個叫"未來技術遺產登錄記念"展覽,主題係一次性(用完即棄)相機。展覽期由今年10月28日到出年1月25日
要去相機博物館最好就係座地下鐵,其實作為遊客都應該唔識得其他方法。目的地東京 metro 半藏門線入面嘅半藏門站。東京地鐵網亂到九彩,好彩自從有乘換案內之後,座地鐵簡單左好多。值得一提係唔知幾時開始轉線係用橙色閘機,唔需要再去 counter 閘機。到站之後就搵4號出口上地面
車站地圖有寫住相機博物館位置
上到地面轉右行前少少,去到第一個街口再轉右就會開始見到指示
繼續前行
再行冇耐就會發現右邊呢個唔多明顯嘅入口
展館喺 B1,要 300Yen 入場費,分開常設同特別展覽區,常設區入面啲展品係唔比影相。我當然好守規矩,一張相都冇影。(同場有位老外狂影識員並冇阻止,可能係我誤解了?)
真係勁多,好彩我冇收集即棄相機嘅興趣
有青蛙喎
又有叮噹
呢隻富士100好似係第一部完祖款,早排用舊幾水買左一 set 扭蛋都有呢部機。估唔到可以見到真身
大洗,講梗我嗎? XD
柯達機,好想要啊。。。
原來有防水機
除左即棄機之外,常設展區入面仲有好多唔同嘅相機,新舊都有。主要都係啲有代表性嘅機種,如果本身鐘意相機又有時間,值得去睇下
註:返來香港之後 google 一下先知原來日本國家旅遊局都有介紹,仲可以座 JR 去,真係7到冇朋友。。。
做埋個 google MAP 方便搵
發表迴響