東涌梅窩打個圏 – part1

路線：東涌>黃龍坑郊遊徑>鳯凰徑第２段>二東山>鳯凰徑第２段>南山>鳯凰徑第１段>梅窩>銀鑛灣路>銀石街>澳運徑>白芒>東涌
全長：23.17 km
時間：7小時

成日去大嶼山行山，但係好少會去東邊。今日諗住試下行一條好輕鬆嘅奧運徑，為咗唔太hea同時有一定運動量，於是搭多咗一條黃龍坑郊遊徑。

今日好好天曬到燶，地鐵站一行出嚟就望到鳳頂同藍天白雲

由地鐵站行出去裕東路，途經消防局同警署

消防局旁邊有個牌介紹奧運徑

沿裕東路旁嘅行人路向逸東方向行，喺呢到上行人天橋

橋中間轉左

落橋之後過對面馬路然後轉右沿行人路直去

行多一陣就會到黃龍坑道路口，轉左沿路行就可以去到郊遊徑入口

由路口行15~20分鐘就到樓梯口，呢到開始上到去鳯凰徑橫向距離大約係2公里多啲，而垂直距離就大約有600米。咁即係點？最好係自己嚟感受下:roll:

呢段路之所以會咁辛苦，除左係因為無間斷上樓梯之外，最攞命就係冇乜風。大熱天時行上嚟真係分分鐘會中暑。今日龜速行咗好耐先至完成頭500米

真係攞命，唔知係咪今日太熱，覺得超辛苦。行完頭1公里已經有爆偈嘅感覺，要抖抖先

本來諗住喺櫈仔座下，點知曬到黐肺。座喺到抖隨時會曬到中暑，於是影完張相就拿林走人

天熱行山經常會見到呢啲成隻手板咁大嘅蜘蛛，今日見到呢隻特別得人驚。因為佢啱啱捉到一隻小昆蟲開餐，見佢啲爪郁下郁下同時傳出一啲似係咬開甲殼啪啪聲?。。。

繼續上山，途中被兩位山友爬頭了

終於都上到嚟

雖然今日行程係落去梅窩，不過一場上到嚟爛頭營梗係要打個轉先走人啦

話咁快又上到嚟二東山睇野，今日都算係幾好天，至少有半邊係藍天白雲。似乎南面嘅霧氣沿山坡上到嚟山脊就比風吹番轉頭，如果有隻腳架set定部相機影下雲流就正到爆了。可惜今日連傻瓜機都冇，得部爛廢note 4

冇相機就唯有拍下片，山上天氣變化好快，一時藍天曬到燶，一時起霧白矇矇。感覺好正

打住霧水嚟開餐，今日有魚飽食(加咗少少想像力)

吔完野繼續行程，由二東山原路返去先前黃龍坑郊遊徑出口，照指示牌方向去南山

照住個牌喺呢到繼續直去。睇地圖呢到叫做雙東坳，係一個十字路口，左邊條路係去蓮花山，而右邊應該有條小路上二東山，不過就點睇都唔多覺。估計應該係太少人行比草遮蓋晒

標距L011，佢話仲要行多1粒鐘到南山

前面又有一個十字路口，似乎到咗南山了

繼續直去

指示牌變成梅窩了

依？呢到有個好似係直升機屏嘅物體

睇嚟又行完一段了

喺前面見到鳯凰徑個logo，應該係直去。但查實行一陣之後都一樣係出去嶼南道，所以呢到左右兩條路都得

L005，就快行到了

跟住沿嶼南道路邊行人路一直落去

到達梅窩，開始下半段得程返去東涌

續 part-2