續 part1

(update @ 20170123 – 補加砵甸乍炮台航拍照片)

由礦場行返出嚟天后廟前嘅呢個路口，地上有清晰指示，跟住行見到有樓梯上去就得
image

上山嘅路大部分係樓梯，條路好靚好易行。不過去到呢要留意一下，唔知係唔係有人惡作劇將個指示牌轉左去條少路。不過一般人照常理估都應該知要點行嘅
image

樓梯行完了
image

沿石路行，去到呢個轉灣位有一條唔多明顯嘅小路。如果想睇山腳嘅砵甸乍炮台可以轉右沿小路行，如果唔想一個人行入草叢小路 skip 都冇乜所謂，因為落到去查實冇乜野睇
image

見到炮台了，但係就見唔到火藥庫，四維又生滿長草，怕死嘅我梗係唔會行入草叢四維搵，打個轉就走人
image

呢到一共有兩個炮台，雖然資料同地圖上睇呢個包台同山腰嘅歌賦炮台差唔多，但係就咁睇又覺得佢係細左好多
image

估計因為地勢關係，斜坡嘅沙泥連雨水一齊沖晒落嚟，加上炮台嘅座向，就全將沙泥都積住。日子有功之下就成個跑台都填滿左沙泥
image

今次再行落嚟發現炮台啲草比以前多咗好多，成個炮台都填平了。(自己隱藏係草叢後面)

另一邊嘅炮台

飛咗上天就兩個炮台都可以睇晒(唔知點解啲white balance好奇怪)

睇完炮台返去先前石路繼續行，出到嚟見到馬路就轉左沿行人路行
image

行到呢樹過對面上樓梯。如果沿行人路直去會落到高超道(如果喺魔鬼山影完日落天黑時最好都係沿馬路邊落山好啲)
image

上完幾級樓上跟住轉左，轉右都得，不過就冇野睇囉
image

行到嚟呢到轉右，先去炮台山望下
image

認住呢個路口，睇完炮台可以沿路出來再靠左邊上魔鬼山
image

冇過嚟呢邊一排，都唔知家陣整晒牌。原來呢到已經定左做二級歷史建築(如果唔係睇左介紹都唔知兩個炮台叫乜野名)
image
牌上面嘅文字介紹

魔鬼山軍事設施
魔鬼山面向狹窄的鯉魚門海峽，能瞭望從維多利亞港東面而來的船隻。一八九八年，英個租借了新界後，選定在魔鬼山興建軍事防禦設施，成為重要的軍事據點。
魔鬼山軍事設施主要由作為東岸射擊指揮部的山頂堡壘，位於山腰的歌賦山炮台(設有兩個炮位，一個裝置六英吋口徑大炮，另有一個裝置九點二英吋口徑大炮)，和住於山腳的砵甸乍炮台（設有兩個裝置九點二英吋口徑大炮的炮位)所組成。歌賦炮台番砵甸作炮台都建有地下火藥庫和地堡。
魔鬼山軍事設施獲評為二級歷史建築。

呢個就係地下軍火庫，記得以前間中睇電視劇都會見到呢到
image

大炮台。呢到可以望到對面筲箕灣嘅海防博物館，對面山都有炮台嘅
image

炮台另一邊有其他軍事遺跡
image

由炮台另一邊有小路可以連接山徑繼續上山
image

行到呢到轉左，轉右都得，一樣可以上到山頂不過就冇乜野睇
image

山頂在望了
image

魔鬼山山頂可以望到小西灣，東龍洲，堆填區同康城
image

山頂堡壘旁邊呢條通道可以繞一圈行
image

午餐時間，開飯先
image

呢到係一個影日落熱點，如果想有個靚住要早少少上來等。其實除左日落夜景都唔錯，尖咀海運開嘅郵輪會經鯉魚門出海，隻船會喺面前經過
image

山頂另一邊可以望到東九龍同啓德
image

今日山頂好多人，啱啱有一班人由山路上來
image

係呢個位，如果有部好啲嘅相機(即是唔係電話)係可以影到好少少效果，由戰壕向外望係墳場，張相應該都可以有少少 message
image

由呢到出去可以落山，路有少少爛但唔算太難行。不過如果少行山唔習慣爛路可以走回頭路落山，去到先前炮台山分路口照住去藍田方向指示牌行
image

image

開始落山，以前呢段路有人做左扶手落山好容易，後來政虎唔知為乜全部拆晒。到最近又有有心人安左啲繩做扶手，落山好行左了
image

落完山轉左，沿樓梯落去，墳場旁邊有路繼續行
image

直去
image

繼續直去
image

直去，右邊條樓梯係上去鏡照環山，冇乜特別唔好試了
image

行到尾喺呢到轉左落樓梯
image

出到澳景路過對面馬路轉右繼續行，如果唔想繼續亦可以轉左沿行人路落山
image

續 part3