繼續運動行昂坪

唔知因乜事黐咗條乜嘢線連續第三個星期行昂坪，正常人都會覺得悶。但係如果換個心態當係做運動，其實就算每星期行一次都冇乜所謂。點計都唔會悶過喺運動場跑圈掛？何況行山除咗可能會見到靚女之外(雖然呢條路機會係細啲)，有時仲會見到啲特別嘅嘢。今次就比我見到一條好大嘅蜥蜴，淨係個身都有成隻手掌咁長。難得佢見到人都冇走佬，仲企定定喺到比我影相，真係開心晒。返屋企試下搵資料，發現有啲人叫佢做石龍子，但係喺漁護處個網站到搵下搵下又覺得佢似印度蜒蜥多啲。攪唔清楚，可能要買本參考書睇下(吖～可惜我唔係一個咁好學嘅人?)

出發時仲係好好天，行到上去彌勒山轉向站時變得好大霧。見氣氛幾好於是就拍下片

http://youtu.be/bacPy684ls0

回程返東涌時見到另一樣特別嘢，金蟾脫殼聽得多，實物係第一次見

今次比上兩次行嘅路程都要短一啲，用嘅時間都係最少，來回加埋唔洗4粒鐘。