話說隻 edge810 運作正常應該仲有排用，就係麻煩在個死人USB插用得耐老化咗經常叉唔到電。加上心思思想換雙星錶好耐，結果就買咗呢個新玩具。又係時候要整個保護貼嚟黐黐佢了。

其實我唔肯定有冇現成嘅保護貼賣，但係我呢個 cheap 人就係會比較鐘意自己整嚟用。今次順便分享吓個做法，其實其他電子產品只要個 screen 邊位同機身有夾口就可以用同樣方法嚟畫位取樣，之後再剪裁出同形狀嘅保護貼。只需要黐條雙面膠紙上張白紙，然後䅻上去你嘅目標玩具上面。

用膠紙固定咗嘅紙唔會走位，跟住就可以用手指沿邊位壓個外形出嚟。

好似隻 edge 830 咁個 screen 有一條細細嘅夾邊就最正，可以用筆沿邊畫條實線出嚟。咁就可以攞到個 screen 嘅準確形狀。

之後就可以用佢嚟做紙樣，再用雙面膠紙黐張保謢貼上去用?刀或者較剪剪出嚟。留意用?刀嘅較果會比較好，因為較剪係會另保謢貼邊位變形，咁個邊位就一定唔會黐得靚。落刀沿畫線內邊走，咁?出嚟塊貼就會細少少啱fit。

之不過我已經進化咗，今次唔做手工，轉用另一個新玩具(工具)‘剪‘塊貼出嚟。不過先要花時間將個紙樣數碼化變成vector，仲要再花時間去搵適合嘅output power同速度。

一開波梗係唔會直接用張保謢貼嚟試，用張紙?出嚟試吓個大細啱唔啱先。點知一開機就已經好似火燭咁，仲勁過啊Rey枝lightsaber???閂都閂唔切。試吓set細啲又射唔穿，較番大又再燒通頂。後來要夾埋個速度一齊調節先可以成功?到個紙樣出嚟。

嘩，好鬼fit。正呀～

之後就要用真嘅保謢貼嚟試，唔同物料對激光嘅反應會唔同，所以先前用嚟?紙個設定係冇乜參考價值，要由頭再試過。源材料係唔值錢嘅舊款手機保護貼，就算?衰幾張都只係幾蚊雞好小事，最大嘅問題反而係燒膠。其實唔係所有嘢都適合做laser cut嘅，特別係膠。用laser嚟?等同用火燒，而大部分嘅塑膠係燒嘅時候都會放出化學氣體甚至係毒氣。我仲未整好啲過濾就走嚟?啲唔知乜膠，咁就實會嗦到啲唔知乜嘢毒氣?☠?。

第一轉試，發現啲激光只係夠力打穿個藍色薄膜同喺塊貼上面畫線。要試加大啲個power先。

再試多幾次之後終於?到塊貼出嚟，試貼仲好鬼fit。

攪掂，?咗一張靚嘅。

較到個 power 淨係夠射穿頂膜同塊保護貼，底膜唔穿就好容易可以摵起。

唉～低能到極點，個頂對唔啱位搣出嚟再黐過，結果攪到邊同個底都一齊唔啱位。仲要起晒pot?。呢次真係 may false be with me 喇。

最後又再?多一塊出嚟再黐過，今次進步咗好多。不過都仲係差咗少少，應該貼實頂邊嚟䅻就好了。算啦～唔玩了，我今晚點都唔會再?第三塊。等第時用到花咗先再?一張出嚟黐過。