自已砌車嘅除咗係為慳錢之外，其實過程都充滿樂趣。而身邊有啲麻煩朋友，因為砌車而要幫佢做工具，呢個又會係另一個層次嘅樂趣。今次呢個好好玩，話說同事買枝炭頭叉返嚟要鋸，佢就諗住用幾舊水訂個jig返嚟用。見佢個設計係要用批士夾實個jig再將枝叉穿入去夾實嚟鋸。試問一搬平民百姓屋企又點會有個食到力嘅大批土可以夾住嚟鋸呢？於是我又拍心口應承同佢諗下做件工具出嚟。
今次材料方面用咗尼龍，呢隻料唔好太好車，亦因為咁，用佢嚟到jig就係一個唔錯嘅選擇
要用部車床仔嚟開一個 30mm 直徑嘅窿實在唔係咁易，簡單講係冇可能夾一枝 30mm 上去就咁鑽。用吉刀開窿係比較實際嘅做法
經過一輪努力之後初步開咗個窿出嚟了，之後仲要挖大同修靚佢
用把細勾刀挖大個窿去 30mm
鏡頭一轉就攪掂一邊了
跟住就將佢一分為二
另一邊要挖一個 recess 出嚟
攪掂了
跟住係鑽窿絞牙
底座部分完成了
跟住就要完成前半部分，要開一條坑出嚟。目的係要做到前半部可以轉動時又固定喺底座
大功告成了，組合之後就可以交貨比同事。仲要同佢講解一下呢件嘢點用
呢個 jig 嘅設計係用下半部分夾實枝炭管，再用前半活動部分轉動嚟引導鋸片。情形就有少少似一搬用嚟切金鐲管工具轉動切割嘅運作模式，好處係容易確保切口垂直。而每次鋸開炭筒淺層部分就轉角度好處係弧形部分比起垂直部分容易鋸(鋸過管狀物就會明，未鋸過講多都冇用)。鋸叉時只要度好位固定下半部分，就算將枝叉放喺大肶到鋸都冇問題。得咗～
發表迴響