車完大餅跟住又攪下鏡頭，話說早前買返來枝鏡入面多塵又污糟，以我嘅性格就梗係會拆開佢嚟抹下。 但係前組鏡蓋好鬼實開唔到，手頭上又冇啱大細嘅鏡膠，唯有自已做一個嚟用。其實坊間買到嘅鏡膠套裝質量唔會比自已做嘅好，加上size 又唔一定fit。做過一次傻仔，以後點都唔會再比錢買
做法簡單到極，先量度一下個鏡邊直徑，主要係大約有個size方便車嘢
賽鋼呢樣嘢實在係太好用，所以屋企備有少少存貨隨時拎起手就有得用
話咁快就車好了，盡量cut少啲留番件料第時整其他嘢
主角出場，黑色橡膠。呢種工業用橡膠可以拎嚟做seal，又可以用嚟吸震。佢有少少彈性，表面(特別係受壓力時)磨擦力好高，所以好適合拎嚟做開鏡膠。
跟住就係車佢，車刀係特別磨嘅，平時車嘢唔用得呢把刀
攪掂
估計係德國佬原廠野擰到鬼死咁實，但係都敵唔過我呢塊黑色軟膠膠?
開咗前蓋之後就見到固定鏡片嘅螺絲圏，可以繼續拆開抺鏡片了
睇我講咗咁耐都唔知鏡膠係乜嘢嚟？為咗美觀，大部分鏡頭正面都會有一個圓形嘅蓋遮住鏡筒內部，其實係一個螺絲圏，通常會寫住鏡頭資料。部分鏡蓋兩邊有直坑可以用開鏡鈚鬆開，亦有為數唔少嘅鏡頭係乜都冇要靠特制工具打開(即係開鏡膠)。情況就好似用嚟開手錶背蓋嗰啲膠波一樣，靠壓實制做足夠磨擦力抓實螺絲蓋再轉動鬆開再。只不過鏡頭中間有鏡片，所以要做到一成環狀被免磨擦到鏡片。所以唔好諗住用開錶波波嚟開鏡頭呀?
發表迴響