今日整好咗個 ipad mount，咁以後就可以用個 ipad 嚟睇圖傳放飛機喇。為乜咁方便有電話唔用要攪咁多嘢嚟駁 ipad 呢？有幾個原因嘅；

  1. 自己大近視，個畫面大啲睇得清楚啲
  2. 用 ipad 先至有水平波波睇 (近來特別需要呢樣嘢)
  3. 用 ipad 就唔會邊玩邊扯乾個控制器啲電
  4. 部分功能例如 focus peaking 喺 android 電話冇。我唔知 iphone 有冇，亦唔肯定係咪只係自己部廢 note 嘅問題。總之用 ipad 乜都有就係了。
  5. 只有 ipad 先至可以用到 ground station pro

理由夠晒充分，咁係點整嘅呢？
image

查實差不多全部嘢都可以就咁喺鴨記買到，唯一要自己做嘅只係一塊用嚟比控制器夾住嘅板。
image

材料包括 ipad mini 夾，2分螺絲mount，2分螺絲底座，直身延長桿同螺絲，有玩開 action cam 可能全部都已經有齊。最後就係一塊木板，當然可以用其他材料甚至係用 3D print 嚟做。今次為咗夠”食力”拎咗塊柚木嚟做，可以肯定就算啲支架撞斷晒塊板都唔會有乜嘢事。
image

相比起做榫，呢啲切口真係易做好多。間中過下手癮都唔錯。
image

其實係咪有啲本末倒置呢？買 mavic就係為咗輕便，家陣要拎多咁多嘢出街，又要砌好個架先至有得玩。不過我就係要有得揀，要功能全面時就用 ipad 囉，要輕便時又可以用番電話。
image

留意 ipad 夾下面仲有一個 2分螺絲窿，下一步要做嘅就係車一粒頸繩螺絲出嚟駁頸繩試下?