原本諗住換咗隻 phantom 之後接收會好啲，點知斷圖窒圖情況仲嚴重過 mavic。我真係唔知呢個到底係人嘅問題定係機嘅問題，唯有淘條長天線返嚟試下。
image

由於網上有大量教學，唔打算做啲寫出嚟又冇人有興趣睇嘅嘢。做個紀錄遲啲比自己睇番過癮下算了。拆開嘢都知一搬產品設計都好鐘意將啲螺絲窿收埋喺啲膠腳下面，dji 啲控一樣，挖開啲膠就即時見到螺絲了。有少少意外係佢用啲双面膠紙唔太實，好易就甩到出嚟，又冇扯爛，可以完美還原。
image

哦～原來裏係咁嘅～佢條天線用料又真係好似差咗啲喎
image

我覺得成個過程最難就係將原本條天線拆出嚟，因為有一個好煩嘅倒扣。用平鉗夾佢啲膠太軟會變形迫到實一實，想話大力啲扯佢出嚟又唔得。雖然冇打算還原條天線，但可以嘅話梗係盡量唔做破壞性嘅改動啦。
image

攪咗一大輪，最後出動咗呢把半圓錭刻刀。我當然唔係用佢嚟cut走個倒扣咁戇居啦，係借佢個內圓位嚟將個扣迫出嚟。不過用佢嘅風險係如果失手把刀抄到嘢條天線就一定斷～
image

攪掂了，泊埋一齊先至發現原本條天線係咁細。希望啲接收會好啲啦～
image