自己換 touch screen

隻單車錶個 touch screen已經傻咗一段時間，不過平時主要都只係用start stop save 三樣嘢，唔太影響運作就冇理佢。直到最近情況惡化連 save 都差啲㩒唔到，焗住要搵方法攪攪佢。
眼見個錶完全冇表面傷痕，自問亦冇粗暴對待過佢，天真地諗會唔會係有嘢接觸不良或者係移咗位呢？於是拆開佢再裝番試下，唔得。再拆攞個screen嚟扭下佢，又唔得。用風筒吹，都預咗會唔得。(….無限loop…)最後都係冇橋了，certify?

正所謂走投無路上淘寶，品質唔好都好過冇。果然又真係比我搵到個810 touch screen。雖然最後收到一個污糟邋遢仲要邊位撞到花晒嘅二手機殼，但總算可以醫好隻錶，慳番一筆。Anyway，淘嘢有機會中伏係常識吧~

又講番換嘢，其實容易到極。只要鬆開機背六粒螺絲，面蓋就可以輕易打開。防水膠邊喺殼邊凹槽入面，唔會因為受太大壓力而老化變形，亦唔會因為冚蓋時膠邊移位漏水。真係要比個?佢。Touch screen條flat cable有插頭，裝拆方便冇走位，再比多個?。可以話係維修友善設計。