菲嘗黑白展

話說今日喺灣仔行完PICEX，好順路咁行去座船過尖咀香檳window shopping。
經過陳鴻時見到海報話有個攝影展加相機介紹，仲有pinhole機，咁梗係要去睇下啦。

原來係一班學員拎自己用嘅機出嚟介紹操作，本來聽到好悶，直到呢位靚女出場就醒神晒。佢用m645 pro，身為mamiya粉，有人介紹呢部機我梗係要留心聽下啦(645pro係我用得最多嘅一部機)。如果有機會同佢交流一下嘅話，我係會講比佢聽查實無論係1000s或者係645pro，只要做少少手腳，一筒菲林係可以影到16張嘅。 XD

唔知係唔係要拎枝銅鏡出嚟先夠形，不過我有少少奇怪呢枝疑似8×10嘅鏡到底有幾長，個bellow會唔會拉盡都唔夠呢下?　我估應該係我見識少睇錯

等左好耐，終於等到最後一位高人出場。佢呢部相機真係唔錯，自己真係見識太少，原來有啲咁嘅野。。。呢個大箱係相紙相機，入面有個＂小形黑房＂放左developer同fixer，佢影完可以即時喺入面處理。

佢即場示範影相，四維啲觀眾都覺得好新奇(包括我)

攪左一陣，第一張output出來了，因為佢用嘅係相紙，出嚟係負像。佢之後又要拎住呢張負像放喺鏡頭前影多一次將佢變成正像。唔知佢係咪要忠於原註，如果比我做就會考慮喺個箱入面搵個位裝塊膠片同燈仔做contact print，會方便好多

另一樣我大感興趣嘅係呢位高人做嘅兩部相機都係用laser cut出來，我當然好有興趣請教下佢香港邊到有laser cut服務啦，點知佢話係喺自己大陸廠到攪。我即時收皮了，唯有繼續用手工整機。