我地每個市民個個月真金白銀比錢交電話費，唔係要比人日日用電腦打電話來等有人接就 rediret 去 call center 到 cold call. 我交電話費冇義務比你用來做商業推銷，唔好同我講話平衡各方利益．你冇夾錢比我交電話費，我地亦從來冇要求過你打來比優惠我，我利益係自己個電話唔受滋擾．你有冇平衡我地唔想受滋擾嘅利益? 換個角度睇，你打來用左我啲 air time，千千萬萬個市民出錢去支持呢個自己唔願意參與嘅商業活動，做就小部份商人利益咁又公唔公平?

唔想規管時就話呢班 cold call 友係香港請左幾多人怕影響就業，叫你執法又話好多係喺外國打來捉唔到．邊樣先真?　我就唔信佢地個個用衛星電話打來，得幾間 telco 落地你要管點會管唔到?　就算佢係喺俄羅斯打來又點，我就唔信有人會唔收錢打長途幫公司做推銷，打嚟推銷厠紙都會有個牌子，點會追唔到責任? 分明就係冇心又唔敢做，加上你知道小市民只會用吧口鬧下就算，再唔係買個 smartphone 裝個小熊來電自己攪掂．所以一於小做小錯，唔做冇錯．

成個 cold call 生態本來就唔應該發生，以前就話 direct mail 要成本，家陣科技發逹請幾個人等電腦打完電話有人聽先派call，仲有 telco 無窮無盡號碼一站式供應．成本超少所以命中率咁低都仲justify到不斷去做．呢個係商業社會，同樣成效低，請人個係街邊派街招貴定外包 cold call 貴? 睇下家陣仲有幾多人派街招就知．我真係唔信淨係 cold call 呢行可以請到二萬個人．就算你計埋外判洗厠所個啊姐落去都冇咁多下嘛? 幾多跨國大 corp 都冇二萬人，作野有都要有個譜，唔好當個個人都好似你咁個腦用嚟裝屎吖宇宙大皇．睇你統計遊行人數就知，你想話多就多話少就少，冇人會信你．

冇人寄望你條廢柴同廢政府做到野，唔該你唔好再走出嚟用個口嚟放屁．真係好討厭．

超嬲 (.\/.)